انعدام الاحساس عادي والا لا … للسياحة

هلا خواتي ….ولدي مشكله انه ما يحس يعني يطيح على راسه والا يدق على اي شيء والا أعضه مووول ما يقول اي شيء(ماشاء الله ) لدرجة انه ها الفتره كله يعض اليهال ويسألهم يعور والا لا هو عمره سنه و7 شهور انا ووايد خايفه عليه حتى الدكتور يوم عطاه التطعيم ما صاح قال لي الدكتور( احنا عندنا الصعايده ما يعيطووش)هههه خذها طريقة المزح وفي الاخر انا ركزت انه مو معقوله في كل تطعيماته ما يصيح لكن عنده احساس يوم اهاوشه مثلاً على طووول يصيح في حد عنده نفس المشكله مع العلم انه شقي جدا جدا ّ

عادي ما اتخافين – حد من الاصغاريه ما شالله عليهم ما ايصيحون وقت التطعيم – اذا كنت خيفانه اقرصيه على فخده لازم بيصيح

امممممممممم الله يطمنج عليه بس الافضل انج تعرضينه لدكتور وتشوفينه !!! ما اريد اخوفج بس غريبه انج تقولين يطيح وتعظينه وما يصيح وهوه في هالسن يعني مش في سن انه ممكن يتحكم في اعصابه وما يبين انه معورنه شي …ما عليه شر ان شاء الله

السلام عليكم

انصحج انج تعرضينه ع دكتور واتشوفين شو يقولج مدام هو الحينه صغير يرومون يتحكمون فيه اما اذا كبر لا

والله يشفيه ان شاء الله

ربي يحفظه ويحفظج

أنا أخوي عمره ثمان سنين ماشالله عليه وايد شيطان وحركي وذكي
ما يخاف من أي تهديد بس لوعاقبتيه وماخليتيه يلعب أو منعتيه من شي هو يحبه يصيح مثل الياهل

ومن جم اسبوع فلع راسه من الشطانه ولما شاف الدم صاح وتم يسألنا اللحين شوبيسون بي
و في النهايه لما كان الدكتور يخيط راسه تم يضحك وعطوه ابرتين وبعد يضحك (عزت النفس رجولته ماتسمح له ينزل دموعه جدام الناس)

لاااااااااااا فديتج مب زين
بسم الله عليه نتي اتقولين ما يحس
و في يهاال عندهم انعداام فالاحسااس و تدرين انهم يااكلوون صبووع ايدهم عاادي و لا يحسوون !!!! لان انعداام الاحسااس مرييض خطيير وااااااااااايد
و بسم الله ع ولدج الله يبعد الشر عنه يااارب
انصحج انج اتودينه المستشفى و اتلااحقي عليه
و ان شالله ما يكون فيه شي

مثل كلام الأخت (بنت رفيعة)
اعرضيه على دكتور فورا عشان تتطمنين