انتوا مع أو ضد القماط لعشاق السياحة

السلام عليكم ورحمة الله وبركاته حريم منتدانا الغالي أبا رايكم ف تقميط الياهل هل انتوا مع أو ضد القماط
أغلب الدكاتره هالايام ماينصحونه فيه ويقولون انه اضطهاد للياهل ويأثر على قلبه وصدره يوم يكبر انتوا اتشوفون هالكلام صح والا لا؟.
انا من ناحيتي اشوفه وااايد اريح للياهل وأيد القماط

انا واعوذ بالله من كلمة انا افضل القماط لان احس الياهل يرتاح ويرقد …هههههه

أنا أفضل أني أقمط عيالي

لأنه الياهل لما يكون نايم يفز واااايد فلما يكون مقمط يطمن كأنه حد حاضننه

القماط مريح

شكرا خواتي عالمرور وانا بعد اشوفه نفس الشي بس هالدكاتره امرهم عجيب

انا افضل القمااااط
اولا اريح له
ثانيا ما ينقز وهو راقد
ثالثا عشان صدره ما يتفجج
رابعا اصلب له ويوم يكبر ما يكون ملغ او ملخ وكل يوم شي يعوره

القماط يخلي البيبي يحس جنه للحين فبطن ماماته ..

وينام لفترة أطول لان ما يروم يتحرك و اذا تحرك بيفز و ينش من رقاده .,,