انا و …………. النقاب!!!

مشكلتي هي
انا اتنقب والحمد الله وسافرت مع ريلي السنة الي طافت بس ما ارتحت
كنت وين ما اروح الناس تاكلني بنظراتها ويشوفوني ع اساس اني شي غرييييب
وكل هذا بسبت نقابي
والحين بنسافرانا وريلي قريب وخايفة لا تنعاد نفس التجربة
خاصة وانا استحي اذا حد طالعني فما بالكم بعالم ما شاء الله!!!
شورو علي … ماتهنيت بسفرتي الاوليه وما ابي اعيدها بها السفرة

حبيبتي النقاب مب واجب شرعا …. وفي الدول الاجنبيه تلفت النظر وهذا شي حرام .. الاحسن تتحجبين ..

والله يوووفقج

أختي أنتي وقناعاتج .. أقولج عن نفسي أنا رحت هولندا وامريكا ولندن وانا لابسه النقاب ,, وعمري مالاحظت حد بقق عيونه فيني إلا القليل جدا .. والقليل لايذكر ,, ومره كنا في أمريكا وسمعنا اثنين أجانب يثنون على لبسي .. وبصراحه هذا الشيئ خلاني أتمسك بالنقاب أكثر . .. ف نصيحه مني لاتتنازلين عن قناعاتج بسهوله .

ما عليج من غيرج خلج واثقة من نفسج وخليج بالنقاب احسن

الغاليه النقاب لا انذكر لا في القرآن ولا في السنه
و اكثر المشايخ يقولون ان النقاب مكمل للحجاب يعني سواء انتي تنقبتي او ما تنقبتي عادي
لان اهم شي انج مغطيه جسمج كله ماعدا الوجه و الكفين و هذا اللي الله و رسوله قالوا عنه
يعني النقاب مب فرض ولا سنه ولا غصب . . . هو مجرد اكسسوار كمالي للحجاب ..

و بصراحه انا اشوف انقاب يلفت للنظر اكثر من الحجاب العادي و صدق العين روحها لو طلعت تلفت النظر اكثر
و لان جمال البنت في عيونها فـ شوفي كيف لما تلفتين الناس يشوفون عيونج . . .

بس في رايي وقت السفر لا تلبسين النقاب لان هناك الناس بشوفج كل ما مشيتي و وين ما سرتي
يعني بعكس المناطق العربيه عارفين هالشي و مسلمين اما هناك شو عرفهم ؟! و بجذي بتلفتين النظر لج اكثر من انج بحجابج بس . . .

لبسي عبايتج و استري عمرج و تحجبي .

في كل سفرة نفس المشكلة الصراحة
بس البعض مثل ماقالوا البنات يقولون مفروض مانلبس شي ملفت
وربي ييسر لج الخير