خواتي.. انا اليوم سرت الشارجة ولفلفت من الخاااطر على محلات السيراميك.. والله احترت.. اولا لأني زيروو بهالسالف.. وثانيا لأني ماعرف شو اليديد من الجديم..
يعني انا اخترت (بس بعده مش القرار النهائي) حمام غرفة بنتي المتر ب 55 او 50 وجي ملون ألوان هادية وفيه ورود..
انزين..
حمام الصالة احترت بين اثنين، اول واحد السيراميك ابيض واسود بس الحلو فيه انه شرات المنظرة يعني تحسينه يعكس صورة اللي يجابله.. مادري حسيته حلو
ثاني واحد السيراميك مات (يعني ماشي لمعه ولا انعكاس شرات الاول) ، ابيض واسود بس شكله حلو وعنده قطع وياه شرات الاطار واايد حلو..
ماعرف شو اختار بين الاثنين، الاثنين حلوين والله..
انزين انيي للممر.. اول شي بسأل عادي سيراميك الممر يكون غير عن سيراميك الصاله؟
لأني اريد حق الصالة سيراميك ابيض وفيه قطع سودة صغيرة
واريد حق الممر سيراميك بيج لأني بصبغ الجدران بيج
والغرف بسويها باركيه (خشب)..
وبس!!
والله محتاره ماعرف شو اختار وشو اخلي
وفي محل قالي ان الحينه الحمامات يسوونها شرات الرخام يعني يركبون سيراميك يشبه الرخام بشكله.. بس مادري احس الاشكال اللي فيها بوردرات والوان احلى..
شوروا علي فديتكم..
ولاحرمكم ربي الجنة
مممممممم جوفي اللي يناسبج لانه ماحطيتي صور فديتج
ومن رايي سيري التنين لانه وحده حطت موضووع بصراحه عيييييييييبني واول مره اجوف هالاشكال ^__^
والسموحه اتفلسف ع الفاضي خخخ
وعادي يسون رخاام
اذا الممررر ويا الصاله خليهم نفس شي لانه بيطلع عنقاش
حق الممر هااا رخام
خشب
والحمام جذي قصدي ^_^ ماحصلت صوووور حلوه بس المهم جوفي كيف
نفس حمامي بس بني وبيج
تجنن الصور… وصدقج يبالي اسير التنين، بس اخاف الكواليتي اللي عندهم مش هاك الزود
جوفي انا منزله موضوع مال سراميك يبيعونه فتنين