عندي مشكله وابكم تساعدوني فيها
انا حاليا مالجه
بس ريلي احسه من النوع اللي يوم ينشغل خلاص ينسى يسال عني ينسى يهتم
يعني تمر فتره ماشوف شي منه وخلاف فجاه يرد لي يرمسني ويقولي مشغول
وخلاف يرد يقطع وعقبه يرد فجاه
صراحه تعبت وياه
خاطريه يوم يسال عني يسال دوم ويهتم دوم وايد افتقده يوم يطنش بس هو يقولي مب مطنش بس مشغول
مرات ازعل منه واقوله كل ها مشغول يعني ماعندك دقيقه حقي تسال تطمن علي ميته ولا حيه
انا وايد حساسه ووايد احب الاهتمام والرعايه ورومنسيه بزياده
احس لو تميت وياه جي بتعب
هو فيه كل شي زين بس هالسوالف اطفرني واحسه خجول نادر يعبر وكتوم بعد ماعرف شسوي
احيان اطنشه مثل مايطنشني بس بنت خالي تقولي لا اهتمي فيه مب زين تطنشينه بيتعود
بس انا ماحب اهتم باحد ومايبادلني الاهتمام احس كني عاقه عمري عليه .gif "12 (33)")
انا بعدني داخله على حياه يديده
ويمكن في اشيا هب قادره افهما عدل
ابيكم تنصحوني وماتقصرن وياي لني محتاجه لنصايحكم
وبحاول ادخل اشوف ردودكم ولو سمحت لي راعية النك نيم بدخل ارد عليكم
مع السلامه
فتحي باب لموضوع مايتسكر
شوفي حبيبتي في البداية مبروك والله يتمم عليكم
اذا بدققين للحين ماشفتي شي…. أنا ريلي ينسى كل المناسبات ألي بينا حتى تاريخ ميلادة أسويله سبرايس لأنه ناسي عاد كيف بيذكر تاريخ ميلادي ؟؟؟
وفي عيد ميلادة كالعادة سويتله سبرايس وقطعنا الكيك واتعشينا وقعدنا فتحت وياه السالفة
ليش أنت ماتهتم وليش انا ألي لازم أهتم وأنا ألي أسأل وليش وليش وليش
تدرين شو رد علي قال أنتوا يالبنات الله خلقكم عاطفيات وحساسات وفيهم أهتمام وحنان وتعبرون عن مشاعركم بصدق وشفافية أما نحن الريايل دعول ومانعرف ندبر عمارنا …. تصدقين عاد أقتنعت
بس مايأست للحين أهتم فيه وأغير من لوكي وأسوي حركات وسبرايساتي … ساعات أحس أنها تجيب نتيجة يوم أبات في بيت أهلي صج أحسه يفتقدني وساعات أحس أن ريلي مافيه ذرة رومنسية بس الحمدالله مو مركزه على الموضوع
المهم من ناحيتي مايصير تقصير
طولت عليج بس أبي أنقلج تجربتي ^^
( اللَّهُمَّ اغْفِرْ لِي، وَارْحَمْنِي، وَاجْبُرْنِي، وَارْفَعْنِي، وَاهْدِنِي، وَعَافِنِي، وَارْزُقْنِي ).
من تتزوجوا خبريه إحساسك وانه عدم الإهمال يضايقني
وربي يسهل لك
الله يسهل عليج ويحنن قلبه