انا في السابع وبطني صغير…….. لصحتك

مرحبا خواتي
انا ملاحظة ان بطني مايكبر……رغم اني في السابع
يعني صغير…انا مواعيدي دايما متأخره ما الاقي مواعيد
ومن حملت ليما الحين يمكن رحت موعدين بس ويقولون لي كل شي تمام
تاريخ 17 من هالشهر عندي موعد …..
بس وااايد احاتي والله
هل هالشي طبيعي؟؟؟؟
على شو يدل صغر البطن؟؟؟ البيبي ماينمو ولا ضئيل ولا شو بالضبط؟؟
هاي اول حمل لي ولا اعرف في هالسوالف
ويوم اسال امي تقولي عادي…………:1 (6):
ريحوا قلبي ربي يريحكم……….

مب شرط كل حرمة ينتفخ بطنها وايد

انا اميه فحمالها ماتظهرلا كرشة

يعني اتكون عريضة مب على جدام

والبنات قصديه الحريمات بيفيدنج

مشكوره فديت روحج…تسلمين على الرد
وصباحج ورد…

شي من الحريم ما تظهر لهم كرش

وحرمة اخوي فديتها يوم تحمل وتكون فالتاسع يبين عليها شهرين او ثلاث

يعني حسب الجسم ولا تحاتين اطمني

عادي حبيبتي لا تحاتين مش لازم كل حرمة يبين عليها انا يوم كنت حامل بولدي الاول ما خبرت حد غير امي وخواتي وام ريلي بس وما حد درابي يلين ربيت وما لاحظوا علي صح متنت بس محد حط فباله اني حامل لان كل جسم غير عن الثاني وبعدين من حمال لحمال يختلف شكل البطن

بيكبر عالتاسع ان شالله

انا كنت جذي ^_^

انا شراتج يوم كنت حامل بطني كان صغيرر يمكن البجر تكون غير بس اخر الشهور بطني كبر اشوي