انا صايرة اخوّف من العصبيه الي فيني !!! لحياة صحية

بنات هل الحمل هو السبب الي مخليني وايد عصبيه حتا الي حولي كلهم متاذين مني ومن عصبيتي ماعن محد يدري اني حامل بس والله صايره وحش عادي اضرب واكفخ اي حد قدامي حتا عمتي ام ريلي وحده ترفع
الضغط بس انا اتحملها بس الحين الكلمه ما اتحملها منها واليوم سويت
ضرابه معاها وصارخت عليها لين خليتها تصيح وما عندي مشكله ذيك الساع اني اقتلها ؟؟؟؟؟؟ !!!!! بس والله اجي غرفتي واستغفر بس احس
اني ما اهدا ولا ترتاح اعصابي وترجع تولع من يديد الله يستر علي بجيبه
اخاف يصير في شي من عصبيبتي بنات ساعدوني والله خايفه اجيب بيبي معوق او مختل عقليا لان النفسيه يقولون وايد تاثر من هالناحية .

حبيبتي لا تزعلين عمرج وتعصبين حولي تكونين ريلكس دوم تره يثر اذانتي حامل علي البيبي وستغفري دوم بتحسين انج احسن كل ماحسيتي انج معصبه قولي ستغفر الله واتوب اليه بترتحين فديتج تره مب زين الصحج

شي طبيعي اللي فيج ..

عقي اللوم ع الهرمونات

حاولي تتحكمين فعمرج و ماتعصبين ..

اشغلي عمرج في شيء و اذكري الله ..

هذا طبيعي غناتي ..هرموناتج كلها اتكون متخلبطة من غير الحمل و مشقاته
هوني عليج وهدي من عمرج واشغلي نفسج ..ووقت العصبية حاولي تاخذين حمام دافي
واتصلين ركعتين عقبها…وابعدي عن كل مايضايقج غناتي
فكري فالمستقبل وفي البيبي

نعم اختي حتى الحمل بيغير نفسية المراة

الله يثبت حملك

كله من الحمل تعصبي علي اقل شي وتكوني حساسه وتصيحي ع اي شي انا كنت جي في بنتي كلها اعصب ولو حد قالي شي بسيط اصييييح الله يثبت حملج وحول تتبتعدي عن الناس الحين وخليج ع الاستغفار وقراءه القراءن تهدي الاعصاب وشوفي التلفزيون وع النت يعني ماتجلسي مع حد عسب ماتعصبي

عليج بالاستغفار وقراءة القران ماشي غير ذكر الله هو يريح ويهدي نفسج .. وان شاء الله فترة وتعدي بس ادعي الله سبحانه وتعالى وبتهدين والله يثبت حملج ويقومج بالسلامة …الا بذكر الله تطمئن القلوب …