ام زوجي والحاله النفسيه لتربية طفلك

سلام عليكم خواتي

حابه أقول لكم حالتي يمكن ماتكون كبيره أو فيها مشاكل

بس أحس نفسيتي ملخبطه ومب عارفه أفكر زين
حابه أفضفض وأخذ من نصايحكم وتخففون
علي لأن من بعد الله حابه الجا إليكم انتو خواتي اللي آشوف أني أقدر ارتاح لهم ويخففون عني

عندي عمتي اللي هي ام زوجي لديها حاله نفسيه وتفكر وأيـد قبل 7 سنين كانت حالتها صعبه وأيـد وتتعالج بالأدويه لكن ألـحـين خفت عنها وحالتها استقرت شبه ما لكن هي حرموها من أمها تقريبا 30 سنه وكانت تبحث عنها ومالقتها وبعدين طرشت رساله للمكان اللي فيہ أمها وبعد 10 أيام طرشو لها رساله ان أمها توفت والحين أخاف ترجع لحالتها السابقه يعني لما أجلس معاها تفكر لدرجه أكلمها ماتحس فيني وأقول لها لا تفكرين بيسبب التعب وإلا رهاق لكن تظل تفكر وزوجي يقولي جلسي معاها عشان ماتفكر وأنا بكل طاقتي أحاول أخفف عنها بس مادري يمكن أني مش متعوده على وضعها ومب عارفه أتعامل معاها ماحب إشوفها بحالة التفكير والضيق أحس أني آنـا صرت أفكر فيها وكيف أخفف عنها وحسيت كل اتضايق عـلى ابنائي وأي كلمه تنفزني وغير شغل آلبّيـَت وأمور وواجبات عيالي يعني مب عارفه اتحكم بنفسي

خبروني يــا بنات كيف أخليها ماتفكر وتنسى

وزوجي كل شوي يقولي لا تخلينها روحه وأنا يمكن ألـحْـيُِنً صرت أفكر فيها

أكثر مَنْ أمور عيالي وبيتي صح الواحد يحصل أجر فـي مثل هالامور ومايفكر بس أنا مابيها تفكر وتنسى

والله المستعان

أختكم ام شما

أأأأأخ ياقلبي

قلبتي المواجع يا أم شما أنا أمي نفس الحالة بس مشكلتها أكبر هي عايشة بروحها بعد وفات الوالد وزوجنا أنا وأخواني وهي تعيش بالقاهرة وانا وأخواني هنا

ولا يوجد غير أخت واحدة وعيشة ببيتها مع زوجها ولا تستطيع التواجد معها لا يوجد معها غير شغالة

ودخلت بهذة الحالة من أكثر من 7 سنوات ديمن تفكر وتبكي ومن 3 سنوات أصبح المشي صعب وكذلك الخروج من البيت وأصبحت حالتها

النفسية أصعب لأنها من النوع النشيط جداااا فأصبحت تفكر بحالتك أكثر

ولم يجد أخواني غير عرضها على طبيب نفسي تعرفي شو صار فيها الطبيب أعطاها دواء الظاهر يؤثر على المخ أصبحت الأن بدون أحساس

لا تفكر والحياة كما يقولون ( كول خالص ) وتنسا ومثل حالة الزهيمر

ما اقول غير لا حول ولا قوة الا بالله وأدعوا لها ليل نهار لأن ما بيدنا حيلة لا نستطيع أستقدامها بسبب القوانين ولا نروح عندها

لذلك حبوبة من يشوف هموم الناس تهون علية مشكلتة

المطلوب منك تفوضي ربك بأمرها وحاولوا تهونوا عليها وتغير جوا من وقت لأخر وتكون على تواصل من حريم بعمرها

وجزاك الله كل خير على مشاعرك الطيبة الدعاء ثم الدعاء هو ما سوف يهون عليك وعليها

تسلمين حبيتي عالمرور الطيب

والله هونتي عليه كنت مضايقه وأيـد وأفكر فيها

دوم أحاول أخفف عنها وأفكر شـو للطريقه اللي تبعد عنها التفكير والضيق

ودوم أخلي عيالي عندها عشان تنسى وماتفكر بس تظل ساكته لما أجي أحاول أخليها تضحك وأسولف معاها

بس ترجع مره ثانيه لحالتها
هي ماعندها من بعد الله سبحانه زوجي ولدها الوحيد

وعسى ربي يهون عليها يأرب

حبيبتي

شو رايج تاخذونها اسبوع او 10 ايام تسافر تغير جو

او انها تزور البلد اللي كانت امها فيها و تصل رحمها من جهة امها يمكن يخفف عنها شي لانها محرومه ما تعرف عنها شي

تشوف صورها وذكرياتها احس بتخف وايد و تسمع سوالفها من اهلها

و لو الشي هذا مستحيل

روحوا عمره اسبوع بين مكه و المدينه

ربي يوفقج أختي

أنا من رأي الأخت
واصبري أختي ترا كله في ميزان حسناتك

اختي ودوها العمره أكيد نفسيتها بترتاح ، وخليها تشرب من ماء زمزم فهو شفاء لجميع الأسقام ، وطلعوها صوب قبور الشهداء وجبل أحد صدقيني ان هذاك المكان يجيب راحة البال