https://forum.uaewomen.net/showthread.php?t=478974
قلتلكم عن حالة ريلي و انه ما يكلم حد و وجهة نظر امايه انه يبى يطلقني و انه يسوي حركات
و الريال اهله كلموه و قال ما اريد اطلق و حرمتي اباها
و امايه تضحك و تتمصخر على ريلي و تقول عنه مينون
البارحه كنت يالسه وياها و يلست تكلمني عن الخلع !
و تباني اروح المحكمه وياها قلتلها ماريد اروح
و الحين زعلانه و ما تكلمني و اذا خطفت عدالها تيلس تتمصخر على حال ريلي !!
شو اسوي معاها ! و تقولي دام انج ما سمعتي كلامي الله ما بيوفقج !!
ساعدوووووني !!
ريلي هاليومين صار احسن يعني يطلع من الحجره بس بعده ما يرمس حد الا للضروره !!
الله يكون في عونج والله عورني قلبي عليج حاسه بكل شي تمرين فيه 
الله يشفيه وتعرسون وتفتكون من الرمسه اللي مالها داعي
و تسلمين الغاليه ع الرد
الله يفرج عنج يااارب…
والله انا بعد عوورني قلبي..
الغااليه..
ليش ما تودونه عند مطوع دامه ظهر من غرفته..
يعني قولي له ولو ما يرد عليج طرشي له مسج وقولي له سير..
او خلي حد من خواته من يشوفونه لو ما يرمسهم بس يقولون له بنوديك..
يمكن سبحان الله يقتنع و يسير..
والله مااعرف شو اقوولج..
ربي يفرج كربتج ياااااااااااارب..
ويرد لج ريلج..
والغلااا طنشي الرمسه الي بتييج..
دامه الريااال يقول ما بطلق يعني هو يبااج و شاريج..
ربي يوفقج غلااي..
و ماعليج بعض الامهات يخربن حياة بناتهن بيديهن
اكثري من الاستغفار و الدعاء له و الله يشفيه يااارب
و انا هب مقصره اطرش له بس ان شاء الله يسمع الرمسه
ان شاء الله ما بخليه
تسلمون خواتيه ع الرد
ليش الطلاق ؟؟!!!
يعني انتي تقريبا تعرفين شو فيه ريلج ..
بس بعد فيج برود ليش ما تقولين لامه الكلام الي قاله لج ؟؟؟؟ عن سالفة الريال الي يبا يخطبله بنته ؟؟
خليهم اييبون له مطوع هذا علاجه قران بس ..و الحمدلله دام انه حالته الحين احسن عن قبل لا تسكتون .. تصرفي شوي
ولا تستعيلين على سالفة الطلاق .. لا تنسين انه ابغض الحلال و فهمي امج الكلام