مراحب امهات .. انا ان شاء الله بنتقل لشقة .. وابغي اخذ اغراض البيت .. بس مب عارفة من وين .. يعني الاجهزة الكهربائية من وين اخذها ويكون سعرها رخيص .. والاثاث من وين احصل ديزاينات حلوة ورخيصة ؟؟؟
وعن الاجهزة اذا عالرخيصة تلقينها بمحلات وايد..لكن تلفها اسرع
اما الاسعار المعقولة والجودة الافضل تلفين بكارفور..وتقارنين الماركات والاسعار..
وهم دوم عندهم عروض حلوة ممكن تفيدج
مرات غسالة وثلاجه وفوقهم يطلع لج تلفزيون او مايكروويف او كواي ومن هالسوالف
والاثاث..الي بتحتاجينه للشقق يكون الناعم الحديث او المودرن..مش المحفر والي كله زخارف
لان الشقق مساحات غرفها تكون محدوده نوعا ما..وما تتحمل قطع اثاث لانها تقضي عالمساحات تماما
وان شاءالله بتلقين خيارات حلوة في ايكيا وهوم سنتر..وهومز فور اس
ركزي عالقطع الي تحتاجينها بالضبط ما يحتاي طقم كامل..شي شقق تكون بدريسنج فما يحتاي الكبت..
وبعد التسريحة الكبيرة الي فيها سدات واسعه ومتعدده بتغنيج عن الكوميدين
وبهالطريقة امشي
شوفي احتياجج ولا تترسين الشقة اثاث ما تحتاجينه 
والاثاث انا اثاثي دوم اخذه من ايكيا او هوم سنتر .. بس مليت ابغي شي غير ؟؟