امهات المستقبل .. دشوا هني وبتعرفون الموضوع

حريم وامهات المستقبل فديتكم ابي فزعتكم بزهبة البيبي ومشترياته.. ترا اول مولود لي ووايد متحمسة اتشراله بس بنفس الوقت زاخة روحي عسب مااتهور واشتري كل شي….
انا جفت كذا موضوع في المدونة عن شو الاشياء اللي الام ندمانة انها شرته واستفدت وايد منه وما شاء الله بنات المدونة مب مقصرات ابد في شي.. بس اختلاف الاراء شوي خربطلي مخي
في موضوعي انا بحط الشغلات اللي كتبتها في لسته ويا الصور وقلت ابي اشتريها
وابي كل وحده تدش الموضوع وتقولي رايها..
يعني ازيد فشوو وانقص ف شوو ؟؟ وشو الاشياء اللي مالها داعية ….
ومنه الباجي يستفيدون
يعني جنه مرجع لكل وحده بتربي..

نبدا بسم الله…

اول شي الملابس وعددهم:

ملابس داخلية قطنية بيضة (0 – 3) … 4- 6
ملابس داخلية ملونه (يعني فيه رسومات) (0 – 3) …. 5 -7 وغالبا ما ايي باكيت كامل

1. افرولات نيوبورن 3 – 4
2. افرولات ( 0 – 3 ) .. 10 – 15
ونصهم ايي طقم ويا قمطان والقحفيات
4. القمط اللي ما تيي طقم … 2- 4
5. دلاغات ( 0 – 3 )… 3
6. ملابس طلعات (0 – 3) … 3
7. سبوحات (0 – 3) .. 2

اغراض الحمام.1.

1.كبت التغيير وانا ابي اشتري نفس اللي فهالصورة من بريمامان

2. اسنفجة للسباحة ( وهذا من تصوير وحده فالمدونة والسموحه هفيته عنج لوول)

3. طبعا عدة السباحة كاملة (صابون وشامبو وزيت وبادر)
وبشتري البوكس اللي ايي جيه شكله

4. فوط كبيره العدد 2 او 3
وفوط صغيره اللي تيي باكيت كامل .. 1 باكيت

5. عدة النظافة وجيه ايي شكله ( من بيبي شوب او مذركير)

6. مفرش تغيير للطلعات
وايي شكله جيه

الاشياء الاخرى

1. رضاعات 1 صغير و 2 وسط
2. لهاية 1 او 2 مع اني ما افكر اشتريه الا اذا احتجته
3. سليبنج باق 1 وواحد بفصله طقم ويا مفرش النفاس يعني المجموع 2
4. المكان اللي يحطوف فيه الحليب للخروج ما ادري شو اسمه بس جيه شكله

5. ترمومتر
6. جهاز اللاسلكي لمراقبة الطفل
7. شنطة للخروج 1
8. مطارة للماي الحار
9.لحاف 2
10. مخدة رضاعة
11. عربانة خروج ويا كرسي السيارة وانا اخترت نفس هالشكل من مذركير لانه يستوي عربانه دز للخروج وبنفس الوقت كرسي للسياره والاستاند ينفصل عن الكرسي وماياخذ مساحة في الدبه.. واللي يعيبني من هالنوع ان ويه البيبي مجابل لويهي وهاللي اباه.. وان شاء الله احصله

12. مخدة الرضاعه
13. شفاطة الحليب الكهربائيه لاني اسير الجامعه وابي اعطيه حليب من عندي . وياليت تخبروني اي نوع احسن شي ووين موجود
14. اسفنجة للصدر لمنع تسرب الحليب

والاشياء اللي قلت بشتريها عقب ما اربي

1. مفرش الالعاب
عشان ما اعود البيبي ع الشل واروم احطه فيه وهو 3 شهور وفوق

2. جهاز طحن الاكل والبخار … بشتريه بعد ما افطمه عسب اعودة ع الفواكه او الخضره طبعا بعد ما يكمل 5 شهور تقريبا.. وحصلته في مذكير

3. كرسي السباحة بعد ما يكمل 4 اشهر.. بعد بسألكم يستوي استخدمه حق عقب الاربعين ولا لا؟؟ لاني ماعرف لو اوكي حق اليهال قبل الاربع اشهر ولا لأ

الحين خلصنا من اغراض البيبي ..
بدا التجهيز للمستشفى..

اغراض الام الشخصية:
1
. فوط صحية
2. اسنفجة الصدر
3. ملابس داخلية .. يبيعون في مذكير ملابس داخلية لاستخدام واحد هل تنصحوني اشتريه ولا لأ؟؟ لاني افكر اخذه بس عشان فترة المستشفى
وايي جيه شكله

4. ملابس استقبال مريحة العدد 3 .. ووقاية
5. دلاغات (ومرات ماله لزوم بس احتياط باخذ 1)
6. سليبر 1
7. ادوات شخصية (صابون، وعطر وشامبو وفرشة اسنان ومعجون ومشط)
8. فوطة 1

الحين اغراض البيبي.
1. ملابس داخلية 2
2. ملابس خارجية (اوفرولات) 3 ويا قماط وقحفية لكل واحد
3. غرشة حليب صغيره 1
4. لحاف 1
5. فوطة سباحة 1
6. بامبرز

وطبعا بسوي توزيعات ان شاء الله وبفصل لي كم جلابية حق استقبال الضيوف فترة النفاس وبفصل مفرش اللي ايي طقم ويا المنز
وعلى سالفة المنز مابشتري الحين لاني بفصل واللي بفصله بيكون قطن وخفيف مب دانتيل وتور وحشرة وبستفيد منه لين ما يكمل البيبي 4 شهور وبشتريله منز عود لين مايكمل سنتين