بنتي مولوده 29 اسبوع *والحين عمرها سنه وخمس شهور بس اعاني من مشكله معاها *هيه الحين تحبي وتوهاتتعلم *توقف *لان عندها ليونه فالعضل وقالولي الدكاتر مب مشكله بتمشي بس يبالها شوي وقت
بس الي مخوفني نزقرها ابدن ماتلتفت مهما زقرنا هيه تحب تلعب مع خوانها تتبعهم يوم نغني لها تلتفت وتضحك لانها تحب كراميش يوم نشلها ماتحب اطالعنا الا قليل احسبها مب معانا*
هي تقول ماما وبابا ودادا بس ماتعني شي يعني ماتزقرني انا ماما ولا حتى ابوها او خوانها بس هالكلمات اتقولها جيه ماتقصد حد
ماتاشر على اي شي بايدها ماتحاول تقول شي ولا تحاول تتفاهم بالحركتـات*
الي عندها خلفيه لاتقصر بليز
اختي الله يطمن قلبج على بنتج
اعتقد انها تسمع ماعندها مشكلة بدليل انها تقول ماما وبابا
وبعدين اكيد بتكون متأخرة شوي يعني احسبي عمرها من الوقت اللي كان المفروض تنولد فيه،، يعني نقصي من عمرها حوالي 3 او 4 شهور،، اختي جذي قالت لها الدكتورة لانها ولدت في الثامن،، وتأخرن بناتها التوأم في كل شي يعني مشن متأخر (حتى ماحبن بس يزحفن) وتكلمن حتى وعمرهن 3 سنوات يعني كبار لكن الحين ماشاء الله عليهن في الروضة ويهذربن وماعندهم اي مشكلة في اي شي الله يحفظهن
وأنا ولدي يبته في نص التاسع (بعد الاسبوع 38) وكانت عنده ليونة في العضل حتى بعد ما مشى والدكتورة عطتني حقه فيتامين د ودايما اعرضه للشمس وماستفاد وايد اعتقد انه بسبب نقص الكالسيوم لانه ماكان يحب الصناعي وشهيته كانت وايد ضعيفة (كانت كمية الحليب اللي يشربها مثل الرضع الصغار)،، والحين الحمدلله
اصبري ولا تحاتين دام انج اتابعين مع دكتور
بنتي الحين عمرها 6 سنوات الله يحفظها يارب و ما شاء الله عنها ذكيه جدا و سريعة الفهم و الحفظ
لا تخافي تأخرها طبيعي
المشاركة الأصلية كتبت بواسطة nadoshttty 
بنتي الحين عمرها 6 سنوات الله يحفظها يارب و ما شاء الله عنها ذكيه جدا و سريعة الفهم و الحفظ
لا تخافي تأخرها طبيعي
اختي ممكن تقوليلي اكثر عن بنت متىبدت تفهم وتتكلم طمنتيني الله يطمنج*
والحين عمره سنه وست شهور
بس يزحف وتوه يوقف على الاشياء وبس يقول بابا ماما دادا ويوم يسمع اغنيه يفرح يحاول يصفق يطلع اصوات مثل الزن يقلد اخته او يتفل مثل اخته يعني احسه يفهم شوي
بس متاخر واايد
انا اعطيه حليب بروجرس وانتي؟؟