الغاليات بنتي عمرها 6 شهور الله يحفظها والحمد الله ترضع طبيعي بس المشكلة واااايد اتلعوز يوم اطلع واروح السوق او اتمشى ويا ريلي واهلي ( يعني نتحوط ) انها تصيح وتبا ترضع ومرات ما يكون شي مكان ارضعها وتلعوزني فابا اعودها هعلى المرصعة بس في الطلعات لكنها مب طايعة تتقبله خير شر ساعدوني شو الحل برايكم والله تعبت وااااايد
ودعواتكم انها تتعود تمسك المرضعة
ويزاكم الله خير
حاولي وياها شوي شوي وفالبيت عسب تتقبلها برع ان شاء الله
وماشاء الله هي من عمر ولدي بس يوم اسير مكان ارضعه بالسياره ويوم انزل اشل شوي وبعدين اخليه بالقاري والحمد لله يتم اشوي ويرقد ويوم ينش لازم أيلس بمكان وأرضعه لأن مايحب شي اسمه مرضعه
وليش ماتعطينها اكل دامها ماشاء الله 6 شهور ,, حطيلها اكل وياج وفي السياره عطيها قبل ماتنزلين
ولو تستخدمين مرضعة الاطفال اللي راسها فيه ملعقه ,, نفس هذي
احس بترتاحين في الطلعه .. وبالتوفيق
المشاركة الأصلية كتبت بواسطة إمنوره بيتي 
وليش ماتعطينها اكل دامها ماشاء الله 6 شهور ,, حطيلها اكل وياج وفي السياره عطيها قبل ماتنزلين
ولو تستخدمين مرضعة الاطفال اللي راسها فيه ملعقه ,, نفس هذي
احس بترتاحين في الطلعه .. وبالتوفيق
فديتج الغالية مشكورة على الرد
والحمد الله اعطيها اكل بس هي تباني ارضعها