الي يدرس ف جامعة عيمان او الجزيره

السلام عليكم

خواتي بغيت اعرف شو من التخصصات الموجوده ف الجامعتين

بدون التوفل يعني
والكورسات بكم التي تعرف تعطيني معلومات

لانه انا بتخرج السنه اليايه من دبي بشهادة دبلوم وابا اكمل باكلريوس ف جامعة عيمان او الجزيره

عليكم السلاااااااااااااااااااام..
أنا عندي معلومات كافيه عن جامعة عيمان.. بس شو بغيتي بالضبط

عندهم التخصصات اللي بدون توفل
"قانون..تخصصات التربيه: رياضيات وعلوم..تربية إسلاميه ولغه عربيه"

أما عن الأسعار كل مساق بـ 2550
تقريبا كل المساقات بنفس السعر إلا مساقات الطب..

حبيبتي إنتي شو تخصصج بالضبط؟؟
وإذا عندج إستفسار ثاني نحن حاضرين^^

مشكوره الغاليه فيج الخير

انا تخصصي ادارة اعمال واقتصاد وتكنلوجيا

إذا بغيتي رايي..
نصيحتي لج..ادخلي جامعة عيمان وخذي شهادة التوفل..

وكملي إدارة أعمال..

شهادة التوفل مطلوبه فكل مكان..لاتخلين التوفل عقبه جدامج..بالعكس خذي شهادة التوفل..

وكملي الدراسه في نفس التخصص..والله يوفقج إن شاء الله..

وتخصصج الحالي مطلوب وكذلك وايد حلو..

أما التخصصات اللي بدون توفل..صعب تلقين وظيفه فيها..

هذا آخر كلامي وأتمنى لج كل خير يارب..

مشكوره ختيه

ماتقصرين

للرفع