لان بصراحة الشغالة لو مو ماخذتها من مكتب او مكان مضمون ما تنفع اما تشرد او تقول سفريني
فشو رايكم خبرونا عن تجاربكم وهل سبب التنازل الي يقولكم عنه الكفيل صح او يبا يتنازل وبس
واحسن تكون على الضمان
مب شرط هيه تقول مابى شغل
يمكن يكون فيه طبع او شي انتي ماتحبينه وماتتقبلينه
وين بتودينها عقب
ترا انا كمن مرة حطيت للتنازل في المنتدى وعقب وديتهن المكاتب
ان شااء الله خير
https://forum.uaewomen.net/showthread…1#post27406941
المشاركة الأصلية كتبت بواسطة cute uae 
حبيت أعلق على نقطة انهم ما يستحون و لا فيهم حيا .. صدق هذا لاحظته على الفلبينيات
تخيلي انا شغالتي الفلبينية اخذتها من وحدة من المنتدى .. طبعا الحرمة مدحتها مدح خلتني اصدق و أخذها .. و انا أبغي اسفرها بس اتريا شغالتي السيلانية ترد
المهم في يوم كنا مشترين أغراض البيت و ريلي حط الأغراض في المطبخ و فكنت اقولها رتبي الأغراض و حطي هذا هني و هذا في الثلاجة .. تخيلي و انا ارمسها فجأة ركضت و طلعت من المطبخ .. تميت أزقرها لين ما يت تركض سألتها وين سرتي؟ .. قالت لي و بكل وقاحة و ريلي كان موجود و أنا آسف على اللفظ .. مدام أنا أسوي بول .. اسمحولي على اللفظ
انا بلمت ما عرفت شو أقول و ريلي انصدم و استحى ..
و بالنسبة لمكالمات التيلفون حدث و لا حرج .. ليل و نهار ترمس .. و كم مرة هازبتنها على هالسالفة .. و يوم مرة عصبت عليها .. تقول ما ابغي اشتغل عندكم قلت لها خلاص بسفرج .. تقولي بروح بيت ثاني و انتي ما عندج الحق تسفريني .. و الحين مقهورة منها و ابغي اسفرها اليوم قبل باجر .. ريلي يقول بنوديها المكتب (معني ما يبتها من المكتب) عشان يدورون حد ياخذها على الأقل بترد لنا فلوسنا اللي دفعناها للحرمة .. بس أنا مقهورة منها أبغي أسفرها و بنفس الوقت ما ابغي أغش حد فيها