الصراحه انا ماعندي حد اشكيله غيركم لاني اكبر خواني =(
انا في الجامعه ومتزوجه بس مب قادره اتحمل هالوضع ,, بتقولون اي وضع ؟
وضع اني متزوجه وادرس وريلي يباني احمل بس انا مابا .. احس اني مب مثل قبل استويت عصبيه ما اهتم في عمري مثل قبل مع اني والله احب اكشخ واتعدل .. استويت ما ايلس ويا ريلي كله بروجكتات وطول الوقت متوتره الفليل مرات اخليه واسيراكمل مذاكره انش الصبح اوعيه وهو يسير وانا اسير بروحي ويرد الظهر تعبان ويرقد وانا ارد العصر .. ما احس اني متزوجه والله مرات اشوف مثلا بنت في المدونة مسويه مفاجاة حق ريلها واللله افرحلهم بس اقول انا ليش جيه ماعرف افرح ريلي ؟
والله اكتب الكم وانا مغتبنه فيني صييحه والله .. تخيلو استويت ما اتعدل حتى .. الحمدالله ريلي مب من النوع الي يعلق يحليله وااايد متحملني
وهيه صح من كثر الشغل والمذاكره بديت اضعف استوى وزني 49 عقب ماكنت 56 !
اسمحولي موضوعي مب مرتب بس والله احس اني ظالمه ريلي وااايد احس لو غيره بيودرني وبيدور سعادته برع .. دوووم اقوله احس انك مليييت مني وهو حليله يقووول كيف امل من وحده حبيتها طول عمري وماصدقت اخذها والله اني اصيح يو اسمعه جيه يقوله .. وفوق هذا يساعدني في البروجكتات ويخفف عني …
ابا حد ينصحني حد يفهمني كييف انظم وقتي شو اسوي كيف ابين لريلي اني احبه .. بليز مابا ردووود تجرح لاني روحي تعبانه
قولولي الصراحه انا ظلمت ريلي يوم وافقة عليه وانا بعدني ادرس ؟!
متى بتتخرجين ، ما تنلااميييييين تراج تدرسين و شغلكم على افاا من يشيل ..
كلها اسبووع و بتردين نفس قبل ان شااء الله
بتيج اجاازه و امكري فيهاا مثل ما تبيييين اللي فخاطرج تسوينه بتسويينه ان شااء الله
بس ها ما يمنع انج فالويكند تسسوين شي افرحه لو ع الاقل العشا تطلبين من المطعم رااقي اكل بحري مثلا او اي اكله ريلج يحبها و تتعدليين له و لدخنين الحجره و ترتبينهااا و شمووع و تاكلون بهدووء .. و تقولين له اللي كتبتيه فووق عشاان ع الاقل تحسسينه بتأنيب الضمير .. و اتوقع هو متفهم الضرووف ..
الله يسعدج و يزيل همج^^
اول شي الله يوفقج في دراستج وحياتج الزوجية
بالنسبة لوقتج
الصبح تنشون وتطلعون ..
هو يرد يرقد وانتي تين العصر ريحي شوي ..
شغلج .. سويه في الكلية او الجامعه وقت البريك
صدقيني بتكسبين وقت وعلى الاقل بتخصلين جزء كبير
يعنى لو رجعت البيت ترومين تطلعين مع ريلج او تقعدين معاه ..
ترومين تتعدلين وتكشخين .. وعقب بتكملين شغلج
يعنى اهم شي تسوي الشغل في الجامعة .. اذا خلصتيه هناك زين .. اذا ما خلصتي بتكملين في البيت
في الويكند .. سويله جو رومانسي .. وسويله مفاجآت
واهتمي في نفسج أكثر . ولا تفكرين ان ريلج متضايق منج ^_^
ربي يسعدكم
الله يوووفقج والله
يوم عندج بريك ف الجامعة سيري ذاكري لا اتمين ادقين سوالف ويا البنات
انا اختي جي هي تذاكر ف الجامعة و تخلص شغلها
ولا تنسين رتبي امورج ف الويك اند تكونين ويا ريلج و تعوضينه و حاولي تفهمينه وضعج
وعقب اتفقي انتي وهو على الحمل مب مشكله اتوقفين كورس
بما انه هو بخاطره ييب عيال سو الي يباه
والله يوفقج حبوبه ف دراستج وحياتج الزوجية