السلام عليكم خواتي
انا ان شاء الله ناوية اسجل بنتي في مدرسة الاتحاد الخاصة بجميرا (كي جي1 ) و بغيت اعرف من الاخوات الي عيالهم دارسين هناك اسم مدرسة معينة تكون ممتازة عشان احط بنتي عندها لاني ابا اختار المدرسة و مابا يحطونها على هواهم و خاصة اني ابا مدرسة اجنبية عشان تاخذ اللغة صح
و لانه الاجنبيات بصراحة عندهم اسلوب و بالهم طويل على الاطفال عكسنا نحن العرب خاصة بنتي ماشالله عليها اشوي مشاغبة ويبالها صبر و طول بال
ياليت خواتي الي عندها فكرة لا تبخل علي
و السموحة
انا بعد نفسج هالسنة بسجل بنتي في الاتحاد الخاصة -جميرا … و انا اعتمدت هالمدرسة لأنها قريبة و بعد لان مديري في الشغل مدخل بنته في هاي المدرسة بعد الـ KG و يمدحها وايد و يمدح اسلوبهم في التعليم و التحفيظ…
ياليت اللي عندهم خبرة في المدرسة يفيدونا
انا ولدي في هل المدرسه لل kg 1 معلمه بريطانيه اسمها كريستيا
للصف الاول معلمه امريكيه اسمها مانا وهذي وايد ممتازه والصف الثاني انا ولدي مع معلمه اسمها لورين بس بصراحه مو اوكيه
للصف الاول معلمه امريكيه اسمها مانا وهذي وايد ممتازه والصف الثاني انا ولدي مع معلمه اسمها لورين بس بصراحه مو اوكيه
ما ذكرت kg 2 لان ولدي درس في الشويفات
خواتي اللي تعرف شي عن مدرسة الاتحاد في بوظبي ياليت تفيدني لان عندي ولد بدخلهkg1ان شاءالله
السموحة اختي………..اختلف وياج…………عيالي في الاتحاد فرع ابوظبي من سنتين…….هالسنة مستواهم احسن………رغم ان مدرساتهم لبنانيات………بس الاكسن مالهم روعة……وحبوبات وعسل……حتى بالتيلفون بالانقلش يتكلمون…………..عكس العام ضاعت سنة على ولدي…اول شي هندية وشالوها بعدين اجنبية كله تلعب معاهم ومطنشة المنهج………..وماتراعي قدرات العرب وتركز عالاشياء اللي لازم يتطورون فيها…………هذا رايي والسموحة