الي عندها خبرة فالديكورات تدخل بليز لعروسة الامارات

انا ماعرف شو يايني عالتايقر ابى اخلى الورق جدران مال غرفتي تايقر ويا ذهبي ويا احمر بيطلع حلووو والا لا ؟؟؟ والله وايد محتاارة امي اتقولي دفاشة وعنقااااش بس الواحد يسوي الشيء الي هو يباه ويرتاحله ما يسير عرمسة حدن غير صح ؟؟؟ يعني اليوم اخترت انه نص اليدار الي تحت تايقر والي فوق ذهبي,,,,,, و اليدار الي ورى الشبرية بس بيكون مقسم اربع اقسام شرات الشطرنج واحد فيه التايقر وواحد فيه الذهبي واثنين فيهم الاحمر طبعا الفراش بيكون احمر والمخدات تايقر وذهبي والستارة بعد بتكون بالعكس تايقر وفيها كرستالات حمر اتخيلوا وياي بليز عسب ما اتسرع وعقب اندم كلهم اختاروا حق غرفهم الا انا شو اسوي اذا هذا مب غاوي حد يقدر يعطيني افكار؟؟؟

الصراحه تخيلته..
حسيت بيطلع عنقاش ..لكن عنقاش حلوو..وأحسه بيكون فخم..
بس انتي النص الذهبي اللي فوق حاولي دخلين فيه اشوية احمر وبطريقه حلوه..
والطوفه اللي ورا الشبريه المربع الاول تايجر والثاني احمر فيه تداخلات الذهبي والمربع الثالث ذهبي والمربع الرابع احمر وفيه تداخلات الذهبي..
صح الشغل معنقش مالزين ..بس انا متأكده بيظهر روووعه..
ان شا الله فدتج..وماحيرتج زياده..

ههههههههه حلوة معنقش بس حلوو انا احس حلو اذا سويت عقولتج فالذهبي اشوي احمر يعني كرستالات حمر بحط كبار وصغار تبين الصراحة ساعات العنقاش يطلع حلو ومشكورة اختي عالمرور واذا الله وفقني وخاطرت بصورلج غرفتي وبراويج

الصرااااااااااااااااااااحه بيكوون فااانكي كاسره قاعدت الالوان والترتيب ^_^

حبيبتي غرشوبة ..يوم تستخدمين شي مثل التايجر أو الزيبرا بعد فترة بتحسين إنج مليتي منه وتبين إتغيرين. فلا تتسرعين وخذي وقتج في التفكير وشوفي كتالوجات أو سيري إيكيا أو هوم سنتر أو ذون بيعطيج بعض الأفكار إللي بتساعدج في التفكير.
وأقترح عليج تستخدمين ورق الجدران على جدار واحد عند راس السرير أو الصبغ يكون درجة من درجات الألوان في الغرفة كامله.. والاكسسوارات والكفر هو إللي يتغير فترة إتخلينه أحمر مع زيبرا ومرة ذهبي مع التايجر ومرة إستايل هندي أو شي من ها الأفكار .. شوفي هالصور ركزي على الجدار وعلى الكفروالإكسسوارات وشوفي كيف إتأثر وايد على الغرفة..
https://www.uaewomen.net/showthread.p…00#post1720800

حابه أعرف شو رايج في الموضوع.

يعطيج العافية اختي ام جبر وماقصرتي

الغاليه انا بعطيج فكره ..

خلي اللي بيركبلج ورق جدران يسويلج اليدران كامله ذهبي .. و حواف اليدران فريم عريض شوي tiger
يعني بيكون كانه مربع عريض تايجر و داخله مربع ذهبي ..

واليدار اللي ورا الشبريه سويه نفس الشئ بس أحمر و تايجر .. يعني فريم تايجر و داخل الورق جدران أحمر ..
بيطلع روعه .. راقي و مميز و هب حشره و لا عنقاش ..