انا خاطريه اسافر الصين ودي ااثث بيتي من هناك
فلي عندها خبرة وقد راحت من قبل تخبرني وين احسن المناطق الي اروم ازورها وخاصة الي يبيعون فيها اثاث البيت …
هيه واكيد الشوبنج مهم …
وفي اي منطقة اسكن ولو تعرف فنادق اوكي وايد زين
انا في انتظاركم
بالنسبه للأمااكن ماعرف.. بس حبيت أنبهج عن الأكل عندهم.. يعني لو أتسوين أحتياااطج من
البلااد يكون أحسن.. يعني ::: تقل فيها المطاعم الحلاال::: وتتواجد في مناطق المسلمين أكثر…
أخوي كان سااايرلها رحلة عمل.. (( وكره عمره.. )) تم عااايش على خبز وجبن وبسكوت وشاااي وماااي وعصاااير بس.. لمدة 25 يوووم… !!!
بس عمومــاُ.. بتلقين فيها من زيرو كواليتي.. ليــــــن 100% كواليتي…
ورحلة موفقه..
والسموحه
نعين ونعاااون… 
حبيت افيدج باللي عندي .. الامارات مشاركة في معرض عالمي بيكون في مدينة شنغهاي في الصين وبيكون المعرض من شهر 5 لين شهر 10 من سنة 2024 .. ونائب المفوض العام مدير جناح الامارات .. هو ابوي .. ومن الحين يسافر هناك كل كم يوم عشان تجهيزات المعرض ..
توه من يومين راجع بعد ما تم هناك 3 اسابيع لأنه كان حفل وضع حجر الأساس في المعرض .. وكلامه عن الصين .. الأكل زفت رقم واحد .. والحمدلله هو عنده شقه هناك وعنده ملباري يطبخله كل يوم عيوش وصوالين ومجابيس هو وربعه .. فأموره من ناحية الأكل مأمنه والحمدلله .. ومثل ما قالت الأخت تندر مطاعم الحلال وغير جي لو حصلتي مطعم حلال .. كله أكلاتهم تسبح في الماي وتلوع بالجبد ما تقدرين تآكلينها يوميا ..
وعن الشوبينغ .. ان شاء الله انا هالصيف لأنه بزي عندي وايد .. عندنا 3 اعراس بنات اعمامي وغير هذا بسافر على مرتين .. فعالصيف الياي اللي هو 2024 .. بسافر الصين لشنغهاي .. لأنه ابوي يقول سوقهم رخص التراب واااااااااايد رخيص من كل شي .. ملابس الكترونيات الخ .. حتى لدرجة يوم يقولج الشي ب500 ين .. كاسرين قوليله ب50 ين .. عادي يعطيج على طول .. يعني المكاسر عندهم ابيزه .. وعلى كلام ابويه .. بنسافر لكن بشرط لا تشلين معاج غير بدلتين وبنسافر حق اسبوعين كله شوبينغ وبنرد بكونتينرات .. وعن الأثاث نفس الشي يقول رخيص .. فالوالده وايد تحلم فتبا اتأثث من هناك هههههههههه
.. هذا كل ما عندي حالياً .. ان شاء الله اي استفسار ثاني تبينه خبريني وبتخبرلج ابويه وهو تقريبا يسافر اسبوعين ثلاث ويرد البلاد اسبوع ولا اسبوعين .. وبيكون على هالحال لين السنة اليايه ..