شحالكن عساكن بخير
ابا اعرف حد سوى اشعه الصبغه انا هرموناتي كلها سليمه ولله الحمد
فقالت لي الدكتوره لازم اسويلج اشعه الصبغه عشان اشوف اذا فيه انسداد بالانابيب او تشوهات في عنق الرحم او الف شي طلعته
فلي سوته
اريد اعرف وين سويتي هالاشعه ؟؟
ومتى سويتها بعد الدوره والا متى بالظبط ؟؟
الي تعرف عنها شي تخبرنا
ويزاكن الله خير
بس عورتها وايد فديتها لانه طلع عندها انسداد خفيف فقناة وحدة من قنوات فالوب
عند دكتورة خاصة بعد الدورة بيوم
بس احسن انه الوحدة تتحمل الالم وتسوي يمكن يكون سبب حمل باذن رب العالمين
اول شي يضربونج ابرة ( مخدر بسيط) … وعقب ربع ساعه يبدون يسوون لج التصوير … في البداية ما يعور موول .. وعقب تبدين تحسين بالالم بعد ما يبدا الرحم يمتلي بالسائل … واذا كان في انسداد بيفتح ابروحه … وعقب بيبدا السائل ينزل ابروحه …
لازم اتسوينها في اول يوم بعد الدوورة … او في آخر يوم للدورة بعد ما يوقف نزول الدم …
الي اعرفه انها اتظهر اذا الأنابيب فيها شي ولا لا
المشاركة الأصلية كتبت بواسطة العوش99 
شحالكن عساكن بخير
ابا اعرف حد سوى اشعه الصبغه انا هرموناتي كلها سليمه ولله الحمد
فقالت لي الدكتوره لازم اسويلج اشعه الصبغه عشان اشوف اذا فيه انسداد بالانابيب او تشوهات في عنق الرحم او الف شي طلعته
فلي سوته
اريد اعرف وين سويتي هالاشعه ؟؟سويتها في مستشفى المفرق
ومتى سويتها بعد الدوره والا متى بالظبط ؟؟بعد الدوره
الي تعرف عنها شي تخبرنا ….:الاشعه ابدا ماتعور كانج تسوين فحص نسائي اللهم يدخلولج ماده سائله وبتحسين انها بارده وعقب بيصورونج تصوير اكس ري اظن هذا اسمه وبس..ولازم تاخذين عندج اولوييز لان بنزل الماي ودم بيستمر ليومين او 4
ويزاكن الله خير