اخبركم عن كريم والصابونه انا مجربتنهم بنفسي اسمه كريم اغادير وصابونة اغادير .. هو منتجات مغربيه طبيعيه 100% .. استخدمه تقريبا من اسبوع ونص .. حلووووووو .. شويه شويه احس انه بشرتي تصفت .. وبيضت .. وكان فيه بقع سوده والنمش الحمدلله خفت شويه .. واختي المعرسه لاحظت الفرق وحست اني اسوي شي .. وسالتني شو اسوي خبرتها وقالتلي الشتريلي بس ما وحيت اطلع السوق .. والصابونه تجنن .. انا اول شي الستخدمت الصابونه تقريبا قبل اسبوعين .. في الاول خشنت ويهي .. بس بعدين لاحظت انه يتقشر .. والحين احس انه صار نااعم .. لانه معروف البشره يوم تتقشر .. هذا انه يزيل الطبقه الميته الى على البشره.. وعقب تحسين بنعومة الوجه ..
اختي اصغر مني استخدمته قبلي والحين ما شاء الله عليها فرق هيه بيضه بس بس بشرتها صارت محمره وحلوه وتحسين انه فيه بريق حلو .. وبعد النتيجه بانت عليها بسرعه يعني من اول ثلاث ايام .. انا النتيجه بانت بعد اسبوع ولحد الحين ما وصلت لنتيجه الي اباها .. تعرفون ي بشره عن بشره تفرق .. فيه بشره تبين النتيجه بسرعه وبشره تتاخر ..
بخبركم الى مكتوب على الكرتونه مال الكريم ..
يبيض الوجه والبشره بنسبة95%
يزيل البقع السوداء والكلف والنمش بنسبة 95 %
يصفي وينعم الوجه بنسبة 100%
يزيل سواد الابطين والركب والاكواع بنسبةة 100 % هذي انا ما جربتها .. جربت بس على ويهي ..
يزيل البثور ويغذي ويلطف بنسبة 100 %
يجعل البشره بيضاء براقه ..
وبتلاقون طريقة الاستخدام على الكرتونه سواء كرتونة الكريم وكرتونه الصابونه ..
بنات العين تحصلونه في خاجا للاعشاب الطبيعه الي تحت الجسر ..
جربوه ما بتخسرون شي للعلم هذا منتج طبيعي 100% يعني لو ما نفعج ما يضرج .. وان شاء الله بينفعج
لازم استخدم الكريم والصابون؟؟
((عندي صابون خاص هم طبيعي))
المشاركة الأصلية كتبت بواسطة غزلااانـ 
لازم استخدم الكريم والصابون؟؟
((عندي صابون خاص هم طبيعي))
هلا حبيبتي .. هيه عادي .. لانه على الكرتونه مكتوب غسيل الوجه بصابون طبيعي .. هم كاتبين مثل صابونة اغادير .. يعني ما تفرق بس اهم شي صابونه طبيعيه ..
بس في دبي وين انحصله