لاتخافون بس حبيت اقول الي عندي انا رحت القرية العالمية وبخبركم عن الي شفته وعيبني
وكل وحده يعيبها شي في القريه تقولها عشان تفيد الغير
اول شي انا امووووووووووت ع الشيل بس دخلت القريه اللبنانية حصلت شيل 550 و500 بالغلا
صح حلوات بس مهما كان حها شيله ماتسوا هالسعر هي عباره عن رسم وفيها فصوص خفيف يعني مب متروس
المهم دخلت القريه الاماراتيه
لقيت محل يبيع شيل اسمه سجايا وع قولة الهندي هذا محل سعود الكعبي المذيع مال الميدان هههههههه مادري ع ذمة اللهندي مب ذمتي
المهم شيلة حلوة ورخيصة مب وايد بس معقوله ع 100 و150 وفي وحده روعه بغيت اموت عليها بس مااشتريتها حشروني عندي اكتفاء ذاتي من الشيل
وبعد بقولكم عن القرية الكويتيه في محل اسمه دانة الكويت
هذا يسوي شغل نفس الي يسون عضوات المدونة عن تجهيز المربي او فراش العروس بس الصراحه غالي موت ب 6000 وفوق
بس تقدرين تختارين مثل كيس البيبي وشنطته ب350 تقريبا حدودها
واذا تبين لبس الياهل بروحه ب 70
بس ما اقتنعت منه حسيته غالي
وكل وحده تدخل تقول شو عيبها في القريه العالمية
:22 (12): :22 (12): :22 (12):
موضوعج وايد حلوووووو …. صدق جذا بتريحينا من الصدعة واللف والحواطة الزايدة ومضيعة الوقت ف القرية …. نسير المكان اللي خاطرنا فيه من غير ما نكسر ريولنا من المشي ف القرية
وبالنسبة للشيل المرسوم عيها نقش اللي ف القرية اللبنانية كان شي منها ذيج السنه واحيد ربيعتي شرت منهم شيلة وايد ناعمات … بس تبين الصراحة تراهم غلايا وما يستاهل هالسعر فيهن
وبالنسبة للقرية الكويتية… تراها وحدة من القرى المفضلة عندي .. شي عندهم محلات بدل تخبل .. وانا وحدة دومني اشتري من عندهم ولو انهم غلايا شوي بس اكاسر واخذ بالسعر اللي يناسبني ..
وبالاضافة اني احب القرية السعودية وايد لسبب واحد بس …. مب لبضاعتها … لا … احب اجوف العارضة السعودية …ههههههههه مب بس اروحي لا العايلة الكريمة كلها توقف تطالع واتصورهم
وان شاءلله بس اسير اعطيكم التقرير المفصل عن القرية 
ترا هذا اول مرة اشارك بشي ان شالله يكون عايبنكم هالموضوع
بالنسبة للشيل تراني قلت لك انهن غاليات بالموت
القريه الكويتيه دخلتها بالنسبة للبدلات هالسنة والله الشاهد موديلات العام موجوده عندهم وزايدين عليهم ماعيبني شي ماشفت شي يديد والبدله الكاملة توصل 400 على شو هههههههههه وفري فلوسج
اما القرية السعودية ان شالله المرة اليايه بدخلها
مع اني ناوية المرة اليايه ادخل بس حق الالعاب نرد ايام اليهاله هههههههههه
ويسلمو لكل من دخل وقرا الموضوع
المهمـ …
ومثل ماقلتي الغاليهـ … عن أطقم المواليد اللي في الكويتيهـ .. غلٌي على ماميش … وبصراحهـ قطعهن مب شي … حتى البدل وايد قاموا يبالغون ف الاسعار … انا صح السنه ماسرت بس اتكلم عن تجربة ..
ممممم ومن القرى اللي احب ازورهن … القرية السعوديـة .. احس ترتيبهمـ غاووووي … والقرية الايرانيـهـ .. ناخذ حلاوهـ .. والقرية البكستانيـهـ … ناخذ القطع اللي مع شيـلهـن … والقرية الهنديه طبعن ههههه حق الصنادل مالهمـ وانتو بكرامهـ …
والاكيد الاكيد الاكيد القرية الاماراتيهـ … لنها (( كلك على بعضك حلو هههههه )) من ديزاين ومن محلات واحلى شي … المطعم اللي يبيع كرك وووووووو لقيمات يم يم يم هههههه
وثانكيووووووو ع الموضووووووووووووع وايد حلو … وان شاء الله لي رجعه عقب ما ازور القرية
افدتيني وااااااااااااايد
أنااااااااااا رحت القرية ودخلت تقريبا كل القرى ماعندي شغله وأحب بروحي ألف عسب آخذ اللي أبغيه
رحت الكويتيه عندهم بدلاااااات حلوه بس مب وااااااايد خذت من عندهم بدله ب550
ورحت السورية جلابياتهم روعه وماعليهن كلاااااااام وتقدرين تكاسريهم للسعر اللي تبينه خذت ثلااااااث عندهم أشكال غريبه تعيبني
ورحت اللبنانيه عندهم محل يبيع أكسسوارات حلوه وفي محل أول ماتدخلين على ايدج اليمين عندهم شنط ونعول روعه بس كل اسعاره فوق 500
قلت برحع له مره ثانيه
رحت البحرينية عندهم عطوووووور حلوه خذتلي كم عطر