اليوم وبحمدلله تم اتخاذ القرار في عمل رجيم لمدة شهر….
الرجيم خذته من منتدانا الغالي..
انا طبعا ترددت قبل لا اسوي هالرجيم لاني مرضع وبنتي كملت 3 شهور ونص
وماتشرب من المرضعه..بس بعد تفكير طويل حسيت ان الرجيم بيساعدني على اتباع الغذاء الصحي بدل السم اللي اكله كل يوم ….
يعني ما اعتقد يأثر عليه لو سويت رجيم لان الاكل اللي فيه كله صحي…
يعني مو من زود الاكل الصحي اللي اكله يوميا بيساعد بنتي كل اكلي حلاوه عشان جيه صايره دبه….
وهذا الرجيم اللي ابتديت به
https://www.uaewomen.net/showthread.php?t=141128
بنات اللي بتدخل ويايه هالتحدي بكون لها شاكره لانا بنشجع بعض
انا الصراحه هالرجيم سميته
التحدي الكبير بيني وبينك………وأقصد به زوجي لانه معزم يسويه ويايه
بس من اول يوم قام يخربط على كيفه…خخخ وانا مستانسه
تحدي لانه وعدني اذا خفيت لين العيد بيوديني شهر عسل ثاني لوووول في رابع يوم العيد…وقالي بنسير وين سرنا في شهر عسلنا ( ماليزيا) جان استانس
منو تبى تنظم ويايه حياها الله…
ادعولي اريد انقص واااااااااااايد لان بالحمل زدت 17 كيلو تقريبا عن وزني اللي كنت عليه قبل الحمل واصلا وزني كان قبل الحمل بروحه بلاااا..
والمصيبه اني قصيرونه…
الهدف الأول أوصل 60..
الهدف الثاني وامنية عمري وزني يوصل 50…
وان شاء الله بالعزيمه احقق شي دوم عمري تمنيته
وعشان اقدر البس البناطلين اللي يحبهم زوجي…
ادعوا لي حبيبات قلبي….
بس عليج بالشاي الاخضر لأنه واااايد يساعد…
موفقه اختي…
وبديت رجيم من يومين وللحين نزلت كيلوين (لاني سويت رجيم لماي ماآكل شي غير اشرب ماي)
واليوم ببدا رجيم عادي اخفف الاكل
وانشالله نوصل للي نبيه
امشي على رجيم افضل لج……..
بس نصيحة نصيحة نصيحة.. بدون رياضة ما يسوى شي الريجيم..
و حتى لو اكلتي عادي بدون نظام غذائي و مشيتي على السوائل الدافية صدقيني بتخفين وايد..
أهم شي ما تقطعين رياضة..
أنا كنت امشي لو كل يوم 20 دقيقة حوالي البيت و الحمدلله حافظت على وزني فترة طويلة..
السموحة على الإطالة و الله يوفقكم..