خواتي في بالي سالفه بقولكم اياها وهي سالفه اتخصني انا شخصيا …
انا الحينة في الشهر ال9 يعني خلاص قريبت اولد انشالله … من يوم وانا في الشهر ال4 الدكتورة قالت لي انتي في بطنج بنت .. وانا كنت وايد حزينة لان عندي بنت .. وكنت ابا ولد … وكنت اقول خلاص اكيد ريلي بيظايج وكيف بخبره … فكل مرة اسوي السونار يقولون لي بنت وهو يسالني وانا اقوله الدكتورة اتقول الياهل مسكر ريله … عاد ريلي مايسالني مرة ثانيه خلاص لين الموعد الي الياي … لين الشهر ال8 كنت وياه في العياده … وسوولي السونار وانا اعرف انها بنت … فنزلت قلت في خاطري اليوم لازم اقوله انها بنت .. فقلت له … حياتي انا قالولي (( بنت )) استغربت من رده فعله … قالي … والله لو الله يعطيني 20 بنت بكون اسعد انسان في الدنيا … كلهم نعمه من الله … البنت حنونة دلوعه ... قلت انته مب زعلان قال وليش ازعل الي يابت البنت اتييب الولد … وكلهم خير ونعمه من الله … وبحكم اني ماروم اتحرك .. ولا اروم امشي وايد … فديت قلبه ريلي … هو واختي راحو اشترو كل شي حق البنوتة …
بس الي ظايج بي … واهني زبدة السالفه ….
(( ان اخوان وخوات ريلي ماشالله كلهم معرسين ومعرسات يعني عندهم بنات و واولاد )) فيوم سالوني شو قالولج بنت ولا ولد … حسيت ان اخته الي اكبر عنه زعلت …
والله يا خواتي ماقص عليكم … قالت الحرمة الي اتييب بنت ورا بنت حق اخوي … مانبيها ….
طبعا انا كنت يالسه وياهم وريلي مش موجود …حزة في خاطري وقمت اصيح … وقلت لاخته الثانيه الي بعمري ليش اختج اتقول جي … قالت هاي معقدة خليها اتولي اهم شي ريلج ….. الي هو اخوها …
فانا ابسالكم …. … ؟؟ !!((( الولد بشو يفرق عن البنت )))
بس الحين كل شي اتغير بالعكس البنات احلى واكشخ لا تزعلين ولا ضايجين بعمرج عشانها
طلعي اللي في قلبج .. واجهيها احسن عشان تعرف تثمن رمستها .. ^^ وترتاحين
صدقيني .. انتي حاطه في خاطرج بس لو كلمتيها بترتاحين
والله يسعدج المره اليايه نبا ولد ههه >> امزح
وانتي ليش حزينه
واذا على اخت ريلج كان المفرووض ما تسكتين لهاا .. كان رديتي عليها وقلتيها واخوووج يبيني بشييني وبزيني وهالشي بيد رب العالمين مب بيدي
قوليلها ترضين حد يقولج هالرمسه
وليش تخلين هالشي في خاطرج وتسكتين .. لو عمتج بنقول ما عليه حسبت امج وما بتردين عليها
لا تضايقين ولا تحطين شي في بالج .. هالشي مب بيدج بيد رب العالمين
وكل من الله خير بنات او اولاد وما شي فرق .. اونه يعني الولد يشل اسم ابوه ما ادري البنت ما تشل اسم ابوها تشل اسم امهااا استغفر الله العظيم
اتعوذي من الشيطان
واذا حد يقولج شي ردي عليه
موفقه الغاليه
وعلى فكره بنت أو ولد هذا من الرجال يكون مب من الحرمه وكله بإيد الله
و أنا كنت هالحمل أريد ولد بس لما سوو الصوره قالولي بنت جان أخلص من الصوره وأروح الحمام أصيح وأنا أول بيبي بنت بعدها ولد بعده بنت فالكل توقع ولد وأنا نفس الشي وأنا مازعلني إني بجيب بنت بس فكرة إني بضطر أحمل مره ثانيه لأن كنت أريد أرتاح فتره وأتعالج من الدوالي اللي فيني اللي احتمال حتى بعد ما أتعالج منها ترجع مع الحمل الحمدلله على كل شي
, شوفي الحريم اللي الله مارزقهم عيال ما يفرق عندهم ولد أو بنت المهم طفل يونسهم الله يرزق كل محرومه يارب
و ماعليج من أحد اللي الله كاتبه بيصير ياما حريم قالولهم ولد وجابو بنت وياما قالولهم بنت وجابو ولد
الله يرزقج بالولد إن شاء الله
وأهم شي صحة الطفل
الله يسهل ولادتج عاد لاتنسين تخبرينا لما تربين
معقوله في ناس للحينه تفكر بهالتفكير .. عافانا الله …
المهم ماعليج منها يالغاليه .. والله فهالزمن … البنت ابرك من الولد ..
والله انه البارحه ابوي يالس يرمس امي يقووولها …
ياحلات البنات وتربيتهن .. ماتعبنا في تربيتهن شرات ماتعبنا في تربية الاولاد ..
ويلس يقسم يمين ان البنات احسن من الاولاد وانه كيف كان يتمنى خلفة الاولاد قبل
وبفضلهم على البنات و انه نادم على هالشي ..
لأنه امي يابت اول شي 3 بنات .. وطبعا التنغيزات والكلام ماسلمت منه ..
وخلاف ماشاء الله يابت الاولاد ..
بس شوفي كيف ردة فعل ابوي بعد هالسنين كلها …
يعني انتي الغاليه ماعليج من كلام الناس عليج بنفسج انتي وريلج …
اهم شي الصحه والعافيه .. ومثل مايبتي البنات بتييبن الاولاد ان شاء الله ..
عيل ام ربيعتي ماشاء الله تبارك الله يابت 10 بنات ورا بعض .. وابوهم ابداااا ما تذمر ..
ومن بعد ال 10 بنات ربي رزقهم بالاولاد ..
وابو ربيعتي يقول نفس رمسة ابوي .. ان البنات فهالزمن اخيــر من الاولاد .. والله
وبعدين هاي حكمه سبحان الله
وانا شراتج ماسلمت عندي بنتين .. والكل ينغز لكن انا اقول الحمدلله هاي حكمة الله
واذكرهم بالآيه يهب لمن يشاء ذكور يعني مب بيدج ..
ولاتفكرييين موووول .. طنشي كل ماحد يقوولج شيء قولي الحمدلله
الخيره فيما اختاره الله ..
ولو بغيتي تبذلين السبب مع التوكل على الله سبحانه
سيري للدكتوره ماريان تحدد لج اوقات الجماع لانجاب الذكر
بس طبعا كله بيد الله هي بنفسها بتقولج جي ^^
وربج كريييم ..
والله انا يوم حملت ام ريلي تدعي يارب ولد رديت عليها انشا الله بنت والله انها سكتت وقتلها ريلي خاطره في بنت و سبحان ربيت ويبت بنوته و الله انه فرحان وطاير في السما و يقول لو يبتي تؤم بنات بكون اسعد ابو في الدنيا لان البنات مفتاح الجنة …
وبعدين يوم ريلج مب زعلان و الله طنشي و اللي يتكلم عليج وقفيه عند حده ….
وربي يسهل عليج و تقومين بالسلامة و تفرحين ببناتج ..