قصتي باختصار
أنا ولادتي الأولى كانت بداية التاسع ارتفع عندي الضغط فجأة وولدت قيصريه
ولادتي الثانيه كانت فالاسبوع 24 ونص يعني نص الثامن فجأة صار عندي ولاده وربيت طبيعي
الحين أنا حامل نهاية السادس وكم دكتوره تقول احتمال اربي ولادة مبكره نفس ولدي قبل
هل حد من الخوات صار لها مثلي
يعني هل إذا ولدت بالثامن مره باجي الولادات تكون بالثامن
مع إني ماكنت اعاني من شي فجأه صارت لي الولاده
وماعطوني سبب مقنع ليش صار عندي ولاده مبكره وليش هل المره بعد
افكر اخذ استشاره فمستشفى دبي عندهم قسم الولاده المبكره بس ماعرف هل بيقبلوني ولا لأن ماعندي ملف هناك
أو اسير للدكتوره منى تهلك بعيادتها الخاصه
بس عسب أعرف الاسباب وشو ممكن يصير واطمن
والاحسن تراجعين دكتورتج لأنها عندها تعرف حالتج اكثر ولاتخاطرين بحياتج وحياة ولدج الله يحفضكم
الله يسهل عليج وتربين في شهرج
والمشكله الدكاتره هني ماعطوني سبب مقنع للولاده المبكره
أقولهم يمكن رحمي مايتسع إلا لوزن معين قالو لي مايخصه
يبالي إن شاءالله أخذ موعد عند الدكتوره منى وايد ارتاح لها لما تطلع بالتلفزيون احس عنها خبره ماشاءالله وكلامها يريح
والله يتمم لنا حملنا ونربي بسلامه
لا تتهاونين والله الولادة المبكره اتأثر على الياهل
الله ايسهل أمورج