الولاده ؟؟

هلا بنات

اقصد كروشات هو جي ولا جي بنظل اخر شي بنات هههههه …

المهم ..

بسئلكن ..

يوم نولد بالمستشفى الولد متى ايبونه لنا الغرفه

وسؤال 2

هم يسبحون الولد عنا ولا
اقول لكم ..

يوم تولد المرا شو يسوون السسترات

انا قبل عندي نونو بس

يوم ولدت كنت اصلا منومه مريضه فيني حمى وولدوني والنونو خلوه بغرفة الحضانه لانه الحمى
انتقلت للنونو وخلوه تقريبا اسبوع وياهم وانا بالغرفه بس اللهم اسير لهم ارضع النونو اشوي وارد

فما عرف هاي المره كيف

وشو ااخذ من اغراض اذا ان شالله ولدت طبيعي وكل شي تمام

لي وللنونو ….

اترياكم ها لا تخذلوني

يوم ربيت حطو البيبي هلى صدري
ومن عقبها ما فارقني أبد تم معايه لان صحته زينة الحمد لله
وعن السبوح قالتلي النيرس أنهم بيسبحونه بعد 5 ساعات
علشان جسمه يمتص المادة إللي عليه

مشكورات خواتي

بس كنت اقصد بالسبوح مو اول ما ينولد انا الي اعرفه البنت يوم تولد اظل يومين او 3 ما عرف انا يعني انا اليوم ولدت وهم سبحوه وخلاص ويابوه لي الغرفه وباجر منو بيسبحه هم بياخذونه يسبحونه ولا انا

انا اول ما ربيت حطوه فحظني و عقب شلوه و سبحوه و فحصه الدكتور و عقب عطوني اياه و رضعته و تم عندي و يوم سرت الغرفه كان ويايه..
و عقب ايوون ياخذونه يسبحونه و يردونه ..

انا يوم ربيت شلوها عني ولا شفتها الا بعد ما مسحو عنها الوصخ و كشفو عليها و لفوها يابوها غرفة الولاده و خلوها في السرير بعيد عني و النيرسات يالسين ينظفوني و يت الدكتوره تحيطني كل ها و بعدني ما شفتها بس اشوفها من بعيد و اتقطع و اسمع تعصيرها خخخخ و اول ما خلصت الدكتوره و تلحفت عطوني بنتي ارضعها

والحين القوانين انه يخلون الياهل عندج و انتي الي تغيريره الحفاضات و اليوم الثاني الصبح انتي تطلبينهم عشان يسبحونه خخخخ

وعن الاغراض خذي بس 3 افرولات 3 فوانيل داخليه و كاب و قفاز للبيبي و قماط من النوع الغليض شوي ولا تنسين اللسليب باج للخروج من المستشفى

والله يالغالية أعتقد على حسب المستشفى اللي بتربين فيه … لأنه أنا أربي في الزهراء وأول ما أربي يحطون الياهل على صدري وبعدين يشلونه يفحصه دكتور اللأطفال ويسبحونه عاد جد ودوني الغرفة … بعدين النيرس تطلب ثياب حق البيبي يلبسونه وبعدين اتصل فيهم أو هم اييبونه عشان ارضعه لين ما اطلب إنهم يشلونه …