في الفتره الاخيره زادت نسبة الاناث الي يشتغلون
منهم البنات ومنهم المتزوجات
البنات يشتغلون عشان يشلون عمارهم ويساعدون في رفع دخل البيت ونفس الشي المتزوجه
بس امس يالسه اقول حق مسؤولي " شكلي خلاص غيرت راي ما ابا اشتغل""بسبب شي بخصوص الشغل" ذاليني في كل شي لوووووول حتى ماعندي ايميل في الدوام المهم
مب هذا موضوعنا جان يقولي فلانه البنت هالايام ماتقدر تودر الشغل !!!!!!!! قتله ليش؟ قالي لانه البنات الي تشتغل بتساعد ريلها في هالزمن تخيلي لو معاش ريلج 20 الف شو بتسوين ؟!؟ لازم تساعدون…. يتني فكره عبيطه اثناء الحوار
" شكلنا عقب كم سنه نحن بندفع المهر لوووووووووول "
المهم جان اقول بو فلان ليكون انا بياخذني عشان اكد عليه؟؟
ويهي مديري استوى !!!!!!!!!!!!!!!!
جان يقولي منو قالج كد عليه لا عشان تساعدون بعض !!
وعقب سكت لانه مابغيت ازيذ في الحوار لانه وجهة نظري مختلففففففففففففه تمام
انا وجهة نظري في الحياه انا أشتغل الحين عشان وقت الفراغ!!
ووجهت نظري الثانيه مدام بكون اسره الاسره اهم من الوظيفه وكل شي يباله اهتمام صاحب بالين كذااااااااااب
وجهتي نظريه 3 مع احترمي الشدييييييد ما اعترف بشي اسمه الام العامله !!!!!!!!!!
وجهة نظري 4 انه الريال هو الي يكد والحرمه هي الي تربي
وجهة نظري 5 الريال المسؤول يقدر يعيشني ب10 او 20 او 30 او 40 على حساب معاشه هو هو ياقلمني على وضعه .
الشي الاخيره والي اشوفه الحرمه يوم تكد تصرفه ع توافه يعني تشل عمرها = وهذا واجب ومسؤولية الريال
او انه وحليلها تحط الي جدام وراها واخر شي الريال يبطر ويشل ايده
فطبعا راي انه اوكي الشغل بشتغله بس متى ما ببتدي اكون اسرتي الشغل يوقف ويبتدي اهتمامي في بيتي لانه الزوج والعيال والبيت يباله اهتمام .
حبيت اعرف رايكم شو الاهم عندكم وليش وهل وجهت نظري صح ولا؟!؟!؟
هم الاهم
المشاركة الأصلية كتبت بواسطة ام رشوودي 
هم الاهم
مشكوره ام رشودي ^_^وصدقج هذا هو الاهم
المشاركة الأصلية كتبت بواسطة دهن_العود ولكم ^_^
بس لو الوظيفة تاثر على وجودها في البيت
نفاد ..
وطبعن لو ريلها ما شاء الله مقتدر ماله داعي الشغل ..
ومافي مانع اذا الريال دوامه دوم في اماراة ثانية وهي مثلن بيت اهلها انها تشتغل واليهال الصبح عند امها ع الاقل ما اتم جذى منها تاخذ خبره ومنها تساعد ريلها ..
بس في النهاية وزبدة الموضوع مافي شي اهم عن الزوج والعيال ..