بنات انا حامل بالاسبوع السادس ( يعني شهر ونص ) والوحام بدى معي من اسبوع تقريبا .. وهذا اول حمل لي ..والله لا ليلي ليل ولا نهاري نهار هالوحام هلكني .. كله احس اني ما ابي آكل شي .. بس الاكل ضروري للجنين ومن غير ان بطني تحرقني اذا ما اكلت .. بس من احط شي في حلجي ع طول ارجعه .. ودايره الدنيا بي .. ومب متحمله اي ريحه زينه ولا شينه .. وكل شي ما ابيه حتى ثيابي واثاث بيتي كل شي.. تعبت نفسيا والله .. ساعدوني .. شو اسوي ..
الله يعينج ويعين الجميع ،،، آنا وحامي بدى قبل أسبوعين يعني مثلج تقريبا ،،، ونفس الحالة ساعات من أشم ريحة الأكل أحس برجع بس ساعات أتشهى الأكل وما أقدر آكله ولا أحس بطعمه…
أمس سرت عند الدكتورة وقلت لها كل شي وردها كان هذا الوحام وكله عادي ،،، حسيت إني تحطمت لأني مو طايقة عمري ومو عارفة شو الحل …
المهم ،،، الله يعين الكل لين الولادة ….
اختي هذا شي طبيعي ولين تكملين ثلاث شهور وتدخلين شهر الرابع
ان شاء الله بيخف ولين السادس بيختفي بس حاولي توزعين وجباتج
واكلي ليمون وذري عليه ملح
لازم تتحملين الله بيعينج و بيقويج… ما عليه تحملي.. انا وقف عندي الوحام بداية الخامس… يعني تقرييبااستمر 3 شهور
بس صدقيني عرفت عدل ليييييش الجنة تحت اقدام الامهات
ان شاء الله ينفع وياج وفيه منه حبوب مص وفيه سائل … جوفي شو اللي يناسبج