النزول فترة الحمل لصحة الجسم

هلا بنات شحالكم…حبيت اسألكم في حد وزنه بدال ما ايزيد في الحمل ينقص….انا بدش الرابع..انشالله باجر..و وزني نازل 9 كيلو….و استويت ما اكل مول حتى مستغربة من عمري يعني عادي بس تفاحة في اليوم..ها طبعا من الوحم….و انا من النوع الي يمشي وايد مب لابدة في البيت…فابا اعرف الي نقص وزنهم بها الطريقة هل رد ايزيد و كيف زاد؟

أنا الحين فالأسبوع الأخير من الرابع وماأكل عدل بعدني
ونفس الشي نزل وزني 9 كيلو

قمت الصراحة احاتي اقول كيف بغذي البيبي…و انا ما اروم آكل كل أنواع اللحوم…و مشتقات الالبان ولا العيش او الخبز او المكرونة..او البقوليات ساعات احس اني عايشة على الهوا…كيف ايقولولنا تغذو عدل…شو ناكل….!!! و هيه صح الفواكه بعد تسبب حموضة يعني كملتّ!!

عادي لا تحاتين لانج في فترة الوحاااام

وشي طبيعي الوحده تضعف

بس تري فالشهر الثامن والتاسع عقب شوفي شكلج كم بتزيدين

اذا انت تعانين من الحموظة عليج بالحليب الطازج ..حظيه فالثلاجة من فوق..خليه يبرد..واشربيه والخيار بعد زين….لكن اذا تبين حل طويل عليج ب gaviscon تحصلينه فالصيدليات..واتحملي ترى وايد مهم الاكل ..انشالله فترة الوحام بتعدي ..وحاولي تتغذين..اذا تريدين وزن الياهل ايزيد ..خلج زبونة دائمة للدكان…سنيكرز جلاكسي فستق …

الغاليه اهم شي انج لازم تاكلين الفيتامينات اللي معطتنج اياها الدكتوره .. وعقب الوحام ان شاءالله بتاكلييين عادي لا مب عادي الا بتاكلين الخضر واليابس ولاتنسييين المااي ..

حبييتي انا كنت نفسج والله اذكر كنت اكل موزه وارجعها بيزيد وزنج بعد الوحام وبتاكلين عادي عقب الوحام والله يقومج بالسلامه