الم الثدي بعد الفطام للسياحة

السلام وعليكم ورحمة الله وبركاته
خواتي انا اليوم فطمت ولدي خلاص بس أحس صدري يعورني مووووت ومابا استخدم حبوب تنشيف الحليب لأن لها أضرار مستقبليه
المهم اليوم صدري عورني مووووت أبا اسئلكن هل يشتد الألم في الأيام الثانيه أم يبتدي يخف ومتى يخوز الويع بالمره ياليت تجاربكم خواتي

الله يكون فعونج بس افضل خذي حبوب تنشيف ع العموم هو يومين بس يكون متعب واذا اشتد الالم خذي لج حمام دافي وجهي ماي الدش على الصدر بيريحج والله يعينج يارب

ماله داعي حبوب تنشيف الحليب لانه يبدا الوجع يخف تدريجيا
اهم شي حطي فوطة مبللة بماء دافىء على صدرج بتحسين خف الوجع

هذا العوار لازم لانه يكون فيه حليب فيمسك بالصدر حطي فوطه في ماي حارالدرجة اللي تستحملينها بعدين حطي الفوطة على صدرج بيخف العوار شوي والله يعينج

مشكورات حبيباتي حطيت ورق الملفوف على صدري وهو بارد من الفريزر حسيت عمري ارتحت وايد

الله يعينج لان يعور بيخف ان شاء الله مع الايام

الله يعينج