خواتي انا مضطره استخدم الموس لأني مسويه ليزر لكل جسمي
ووقفت جلساتي لليزر بسبب الحمل
والحين ولا كأني مسوية ليزر الشعر يزيييد
كل 3 ايام يطلع على طول
وجسمي كله صاير خشن خشن خشن
وحكه قوية طول الوقت بسبب ظهور الشعر بسرعه واحمرار طبعا
دخيلكم أبي حل
لا تقولولي كل يوم أشيل بموس تره هالشي متعب وايد !
عطوني حل عالاقل بخصوص الحكه
ولأني بس أشيل بالموس وينظف جسمي
يجيسني برد قوي أرررررجف منه
((( يمكن في طريقة سهله وممتاااازه لإزالة الشعر بالموس بدون حكه وبروده واحمرار ))) !!
أدري مواضيع وايد عن هالسالفه بس ناقشوونييي بليز
انتظركم 
بالنسبة لليزر ما في اي دراسة او بحث اكد ان الليزر مضر للحامل خاصة انه ما يوصل للطبقات الداخلية ؟
هذا ما يعني اني اقولج روحي سوي ليزر ؟؟ براحتج انتي تقدرين وضعج
انا في فترة الحمل اسوي مرة وحدة حق ريلي و ايدي
و يمكن مرتين حق الاندر ارم و الشنب كل شهرين اسوي
دامه ما يوصل للجنين ما يضر ان شاء الله خاصة انتي ما بتسوين بطنج او البكيني لو تحاتين مثلا
ما شاء الله عيالي ما فيهم شي ربي يحفظهم
لو قلتي بسوي تقشير للويه مثلا باحماض الفواكه بقولج يضر و نص لان الكريمات تدخل للجسم و تتحرك بين الدم
بس الليزر ما يتعمق ف الطبقات الداخلية وما يتحرك ف الدم ولا ف الجسم
لو بتصدقين كلامي و كلام غيري بتتخبلين استشيري دكتورتج الخاصة و هي بتنصحج
اانا نفس حالتج
وقفت جلساتي لاني حامل
و حاليا نفس الموضوع ويا الموسسسس !!
قسما بالله أنا أكره الليزر وما أرتاحله أبدا…. أشل بالمكينه بين فترة وفترة أبركلي والله في البيت وأنا مرتاحه لا جلسات ولا عيادات وانتظار وفوق هذا أضر بشرتي بشي الله أعلم من عواقبه…. في شباب ياهم سرطان الغده الدرقية وهم يتعالجون في كوريا حاليا ولاحظوا إنهم كانوا مسوين ليزر اللحيه وها الخير قريته في جريده محليه….. وبنت عمتي سوت ليزر لمعالجه الكلف في الوجه وسبحان الله أثر على عينها وصار عندها انفصال في الشبكية وعما مؤقت والحمدلله رد نظرها عقب علاج طويل….. مستحييييل ماله أثار جانبية بس جسم عن جسم يفرق وسبحان الله في ناس أجسامهم ما تتقبل وناس الحمدلله امورهم ماشية ربي يحفظهم ويحفظكم من كل شر….
والله العظيم انا خذيت موعد جلسات ليزر حق الأندر آرم بس سبحان الله حلمت أن في هاي المنطقة شعر كثيف وأسود وطويل وأصلا الحمدلله انا شعري خفيف بسجي قلت بسوي حشرة مع الناس عيد… ومن بعد الحلم طبعا كنسلت الفكره من الأساس والحمدلله أموري ماشية ….
الله يعافي الجميع ويبعد الشر عن الكل يارب….
ومافي شي اسمه شيلي الشعر وقت الضروره
المتزوجه نفسها بتقزز من جسمها ــ كيف زوجها عيل؟
صح لازم هم بعد الازواج يتحملون ويصبرون
بس مالهم ذنب ان شي شعر بجسمي!
هذا خطأي بيكون
واني اشيل بحلاوه
نفس القصه
وانا ماحب اشيل فيها ابدا تسويلي حساسيه اولا
وثانيا متعبه
وثالثا لازم تنتظرين لين يطول الشعر عسب ينظف المكان باستخدام الحلاوه
الموس افضل شي
بس ابي طريقه مناسبه ومريحه للموس
والليزر صح في اللي يقول ضار واللي يقول لا
لكن الافضل نتركه!
في احشاءنا ثمره وامانه من الله
حرام نسوي شي مثل الليزر وعقب نندم ان صار بالجنين شي لا قدر الله او بالحمل نفسه
فكره الغسول حبيتها مشكوووره ماما سلطان
بس ممكن صوره عشان اعرف شو اللي اشتريه ههههه
انتظر تفاااااعلكم
وشكرا لكل وحده ردت ^^