المنطقه حول الفم عندك غامقه ،، تعالي عندي الحل العجيب مشاكل السمنة

السلام عليكم و رحمة الله و بركاته

موضوعي اليوم عن شي لاحظته في بنات وايد ،، وبنات وايد يشتكون من هالشي ..

المشكله هي لما تكون المنطقه حول الفم غامقه

عند زوايا الفم ،، او عند الشفه اللي فوق ،، وغالباً تكون المشكله تحت الشفه السفليه ومنطقة الذقن ..

عندي لهذي المشكله حل واحد وسهل وهو عباره عن تقشير لهذي المنطقه ..

المكونات سهله و متوفره عند الكل وما تكلفج شي

قبل ما ابدي و عشان احمسكم زياده ..

لو استخدمتي التقشير هذا مره وحده كل يوم ،، بتشوفين نتائج حلوه و ترضيج بعد اسبوع ..

لكن مثل ما نتفق دوم ،، اللي تبي تشوف النتائج اللي تتمناها ،، اهم شي الاستمرار ..

و احذر اي وحده تجربها مره وحده وتجي تقول لي ما نفعت هههههههه

يالله نشوف مقادير التقشير

بودرة الصندل "تحصلينها عند العطارين"

لوز مطحون " خذي اللوز قشريه وحطيه في طحانة القهوه"

حليب سائل ..

تاخذين كميات متساويه من بودرة الصندل و اللوز ،، تضيفين الحليب السائل مع الخلط الى ان تصير نتيجة الخليط غليظه و متماسكه ..

تمدين الخلطه على المنطقه ،، وتقشرين بحركات ناعمه و دائريه لمدة 5 دقائق ،، وبعدها اتركي الخليط على الوجه لمدى 10 دقائق ،، و بعدين اشطفي بماء فاتر ..

لو حابة تسوين كميه من الخلطه تكفيج لأكثر من استخدام ،، اخلطي كميات متساويه من بودرة الصندل مع اللوز المطحون في علبة او زجاجه مغلقه نظيفه ،، و وقت ما بتسوين التقشير فقط خذي كميه من الخليط وضيفي الحليب ..

شفتوا شلون الوصفه متوفره من ناحية المكونات
سهله من ناحية التحضير و التطبيق
وفي النهايه نتائجها مع الاستمرار بتبان في وقت سريع

استخدميها مره يومياً وشوفي النتائج بعد اسبوع ،، انا ماقول ان بعد اسبوع بتروح كل المشكله
لكن بتشوفين نتائج حلوه تشجعج على الاستمرار لين تنحل المشكله نهائياً

منقووووووووووووووووووووووول

مشكوووووووووووورة على النقل الطيب

أختي شو الحليب السائل ابو قوس او الحليب البارد؟؟

اكيد الحليب العادي مثل حليب العين او مراعي او اي حليب فرش(طازج) ثاني

تسلمين الغاليه عالوصفه..

.. مشكورة اختي على هالوصفة الخفيفة والبسيطة …
… انا لازم كل سنة اسير عند مدام بدر اسوي تقشير حق ويهي بكبره بسبة حب الشباب والمناطق اللي تغمج في الويه ..
… ما قصرتي ..

تسلمين الغاليه عالوصفه..