اشحالكن بنات؟
حبيت اسالكن وين اقدر احصل ملابس هنديه مثل ال عارضتهم الاخت مي الامارات بموضوعها
حصلت منهن بمعرض العروس ال بدبي بس وااايد غاليات على 32الف وفوق و ماكانو على ذوقي يعني مو مثل الصور المعروضه
بليز ال تعرف محلات بدبي – الشارجه – عجمان-راس الخيمه-العين وممكن بوظبي (بس بوظبي شوي صعب علي لان من الفجيره) تخبرني وتكون اسعارهم معقوله
اسمحيلي الاخت مي الامارات نسخت رابط موضوعج
https://uaewomen.net/showthread.php?t=54509
ياليت ما تتاخرن علي لان عروس وقاعده اجهز
والله يتمملج الفرحة على خير ..وعقبالي
والاكسسوارات بعد وين نحصلهن؟
ملابس و اكسسوارات , كلها بتحصلين في مينا بازار !!
تقدرين تشترين قطع ساري جاهز من محلات اقمشه و احلى قطع , بتحصلين في محل " ريجال " فرع كرامه !! ( عندهم جناح خاص حق قطع هنديه ) قطعم وايد حلوه !!
وكل اشتري من الهند يوم حد من اهلي يسافر اطلب خخ
ومره احيد رحت شارجه جصلت هناك بس ما اعرف وين بالضبط لاني ما اسير وايد شارجه
والسموحه خيتوو
صحيح ،، بتحصلين في مينا بازار ،، لان هذا السوق مخصص للبضاعة الهندية فقط من ملابس واكسسوار وذهب ستايل هندي
الغالية ،، ريجال اللي بالكرامه ،،، تصلح قطعه للجلابيات ؟؟