المكياج .. كل اللي تحتاجينه للوك ناعم بالصور لشعر جذاب

السلام عليكم حبيباتي …

هذي أول مشاركة لي فالمدونة وأتمنى اني افيدكم مثل ما فادتني الكثير
من المواضيع تضيفونها

أنا مثلي مثل الكثير من البنات احب الكشخه و المكياج و الدلع لكن احبه يكون خفيف وعملي وراقي ولاحظت وايد بنات فالمدونة يسألون عن لوكات بعض وكيف ممكن يكشخون للجامعه واي مكياج يقدرون يستخدمون

وبما أني انسانه ما خليت شي ما جربته وأحب ادور اليديد والمميز والمضمون في كثير من مواقع النت قلت بشاركم بالمنتجات اللي استخدمها دايما وأفضل ما استخدمت من مكياج …

(١)

خلنا نبتدي بأهم شي … كريم الأساس (الفاونديشن)

أنا عن نفسي استخدمت وايد أنواع الغالي والرخيص لكن ما عيبني غير نوع واحد
وايد خفيف على الويه ويغطي العيوب وروووعه استخدامه من أفضل ما استخدمت

Bobbi Brown stick foundation
موجود في محل بوبي براون وموجود في بلومنق – دبي مول
آهم شي تتأكدين انه الفاونديشن نفش درجة بشرتج لنتايج رهيبه

(٢)

للي تحس عندها عيب فالبشره ما يخفيه الفاونديشن وتحتاج كونسيلر

Mac studio fix concealer

(٣)

لتثبيت الفاونديشن والكونسيلر مدة اطول انصحج باستخدام البودرة الموجودة في ماك

(٤)

أفضل أنواع المسكارا
شي خيال وما تتلخبوط رموشج ويحلون منظر العين

آنا عندي هالنوعين ونا أستخدم غيرهم

Lancome Hypnose (Doll Lashes)

Maybelline

هذي موجوده في كارفور وأنا اسميها الماسكارا الصفرا خخ

(٥)

Lipstick

شخصيا أنا احب الروج الmatte ما احب القلوسي
وهذا افضل نوع استخدمته عندهم ألوال تجنن ولمحبي اللون الاحمر * الويه اللي يغمز* تراا عندهم لون احمر خبال وايد احبه

Nars velvet matte lip pencil