مرحبا بنات
بغيت اعرف شو نوعية الاسئلة اللي يمتحنون فيها الطفل ف المقابلة ع شان يقبلونه ف مدسة نموذجية؟
بنات اللي عندها خلفيه عن الموضوع تخبرني ابى ادرب بنتي قبل المقابلة..
والسموحه^__^
اذا كانت صف اول
يقولون انه كم من سوره الصغيره يسمعون لهم ويخلونهم يعدون الارقام وقولون الاحرف بلعربي والانجليزي تقريبا
انا ما جربت بس سلفتي قالت كذي والله اعلم اي وحتى زوجي يقول ان المدرس قاله كذي يوم راح يسجل ولد والله اعلم
اتمنى من البنات بعد يفيدونك اكثر الي جربو
يقولون انه كم من سوره الصغيره يسمعون لهم ويخلونهم يعدون الارقام وقولون الاحرف بلعربي والانجليزي تقريبا
انا ما جربت بس سلفتي قالت كذي والله اعلم اي وحتى زوجي يقول ان المدرس قاله كذي يوم راح يسجل ولد والله اعلم
اتمنى من البنات بعد يفيدونك اكثر الي جربو
انا بعد حبه اسئل البنات كيف مقابله الاولد لي بيروحون صف ثاني
الي جربت ياريييت ماتبخل علينا
ولكم الاجر ان شاءالله
والله يا الغاليه انا بقولج بنتيه العام الماضي سوولها مقابله في مدرسه نموذجيه وما قبلوها لصف أول مع ان مدرساتها في الروضه كانن يقولن اذكى طفله في المدرسه وهاذا مو كلامي والله كلام مديرة المدرسه وكانت جميع الاحتفالات والفعاليات يشركونها فيهن ويوم ايونهن ضيوف في المدرسه يطلعون بنتيه الاستقبال الضيوف والقاء كلمه ترحيبيه عليهم ويوم وديتها المدرسه النموذجيه وقعوني على ورقه اني ما أطالبهم أو اشتكي في حال رفضو بنتيه وفعلا رفضوها بدون اي نقاش بس اقولج اذا عندج واسطه بتنحل أمورج وسوري على الاطاله
مشكورات بنات ع المساعده
وماقصرتن
السلام عليكم بخصوص الامتحانات في النموذجية تكون سهله الحروف الانجليزيه والعربيه تحفظها عدل لانه بيعطونها توصيل الكلمه مع الصوره الحروف الناقصه في المادتين وقراء ة الكلمه والرياضيات الجمع انا بنتي سولها الامتحان على الكمبيوتر ونجحت الحمدالله انت الباقي عليج انج ادرسينها عدل
انا احس هالمقابلات تحط من نفسية الطالب يعني المفروض يقيمونه من مستواه الدراسي مش على مستوى مدرسه هو مادرس فيها
يعني تي مدرسه الطالبه عمرها ماشافتها وتقعد معاها اكيد الطفل بيكون عنده نوع من الخجل ومابيطلع مواهبه الدراسيه
واخر شي يحسسون الطالب اذا مانجح انه فاشل في اشياء يمكن يكون هو ذكي لكن الاسلوب البيئه
حركة المقابه انه الطفل ابروحه مع المعلمه احس يعني له تاثير على نفسية الطفل ولو كان الامتحان سهل لكن بعد المفروض يراعون البيئه الدراسيه اللي كان فيها الطفل
يعني تي مدرسه الطالبه عمرها ماشافتها وتقعد معاها اكيد الطفل بيكون عنده نوع من الخجل ومابيطلع مواهبه الدراسيه
واخر شي يحسسون الطالب اذا مانجح انه فاشل في اشياء يمكن يكون هو ذكي لكن الاسلوب البيئه
حركة المقابه انه الطفل ابروحه مع المعلمه احس يعني له تاثير على نفسية الطفل ولو كان الامتحان سهل لكن بعد المفروض يراعون البيئه الدراسيه اللي كان فيها الطفل
صدقج اخت ميثانو بعض الاطفال يتخرعون يقعدون بروحهم مع ناس ما يعرفونهم انا شفت ياهل يوم سرت اسجل ولدي من الخرعه قعد يصيح يبي ابوه وامه الحركه ما عجبتني يعني شو فيها لو دخلت الام مع بنتها ولا ولدها هي ما بتغششه بس ساكته وموجوده معاهعسب يحس بالامان