عطونا تجاربكم بهذا الموضوووووووووووع المهم
ربي يوفقج اختي 
ابصراحه انا اختي كانت معلمه وكانت اتيب عيالها والمربيات بيتنا انهم يكونون تحت اشراف امي عن يسوون باليهال شيء بس كانو البشاجير بعد يسوون بلاويهم من رمسة التلفون والخ
المهم تمت فتره وهي في صراع للعلم عندها طباخه في البيت ووحده تنظف بس في النهايه قالت بستقيل واستقالت واحين يالسه هي على راسهم واتجابل بيتها اتقول كنت غلطانه يومقلت الشغل تسليه بدال الفراغ في البيت واتقول اي وقت ابي اسافر اروم اسافر مب اتريا الصيف وخفت مشاكل بشاكيرها
التجربه الثانيه
وبالنسبه لوحده من حريم عيال خالي هالانسانه اتحب شغلها ومستحيل اتودره وكانت منظمه بين بيتها وعيالها بس الخوف من البشاكير موجود محد يظمنهم فقامت وركبت كيمرات ببيتها وقالت للبشاكير مركبه كيمرات واشوف كل تحركاتكم وعيالها الصغار كانو ويا المربيه عند عمتها تبي تظمن ان في حد عود موجود وتتطمن اكثر لان امها في اماره ثانيه ومن اترد من الدوام اتشلهم واتروح بيتها وقالت مجازفه لوودرتهم روحهم ويالبشاجير في البيت
بخبرج هالسالفه كان شي ابله هي وافده و عندها خدامه و مخليه ولدها مع البشكاره انزين و البكشاره طلعت تطلع مع واحد الله يستر عليها و تخلي الياهل ف البيت
مره الابله ردت بدري البيت و لقت الباب مبطل .. لقت ولدها ف حلجه بلاليط موب ناظي و مدخل ايده ف فيشه الكرهب و ميت ..
و ثانيه بعد تشتغل .. حست انه الخدامه تظرب العيال .. شو سوت سارت يابت خواتها .. وكل وحده ماشاءالله جثه
دخلوا الخدامه غرفه و قفلوا الباب و استلموها ظرب و موب ع الويه عشان ما ترفع قضيه و بعد يومين سفروها يعني
بردت قلبها الام > من الاهل ^^ صدق حرمه ….
الخدامات مشاكلهن وايد و ياما شفنا اعرف ناس عيالهم ما يرمسون عربي عدل كله مكسر من الخدامه و غير الدين و غير وغير وغير
يعني مشاكل مالها اول و لا تالي بس ترومين لو تخلين العيال مع الخدامه ف بيت اختج او امج او حد جريب منج
و حاولي توفقين و بعد اقولج حطي كاميرا انا شفت بعيوني بشاكير يضربن العيال