طبعن نحن عارفين عن اضرار المضادات الحيويه ومع ذلك نعطي عيالنا
بس انا وصلت لمرحله اني ابا اقاطع المضادات وابا رايكم في هالشي
بنتي تقريبا كل شهر ياها احتقان و زكام
و مع التسنين
نروح للدكتوور على طوول يقول لنا احتقان و يكتب المضاد
من يوم عمرها شهرين وهي تاخذ المضادات و احس بنتي مناعتها ضعيفه اي حد يمرض تمرض وياه
اي برووده او لو فتحنا دريشة السياره و جاسها الهوا اليووم الثاني على طوول بتزجم
مع اني رضعتها طبيعي سنه كامله ماشااءالله و اضريت اوقف الرضاعه لان حليبي قل واايد و سويت عملية و بعدين حملت فكل هالضروف خلتني افطمها
مادري ليش هالزمن كل اليهال جي بسرعه يمرضوون
من تجربتكم شوو رايكم في المضادات و شوو البدائل الي تعطونها لعيالكم؟؟؟
شو الاشياء الي ممكن اسويها في البيت عشان اعالج بنتي عن الاحتقان و البلغم و الزجاام ؟؟[/CENTER
]
ان شاء الله البنات يفيدونج
كثري لها من الخضرواات والفواكهه
والعسل,.
أنا عن نفسي بنتي عمرها 4 سنين الحين وعطيتها المضاد الحيوي مرة وحدة بس حسيت نفسي تسرعت والله أعلم
يعني الفكرة مش إنه الواحد مايعطي المضاد الحيوي بس إنه يصبر على الولد شوي يعطيه دواء عادي بس لو شفتي الحالة خطيرة ضروري من المضاد
أنا أصبر على بنتي لغاية 3 أيام لو شفتها ما تتحسن بعدها بس آخدها لدكتور وأقوله يعطيني دوا بس ما يكون مضاد حيوي , بس لو في حرارة من البداية أعطيها دوا ينزل الحرارة , كل شي إلا الحرارة
والحمد لله صحتها الله يحفضها حلوة , وأنا كنت أعطيها عسل حر دايما في الحليب لما كان عمرها فوق السنة بس الحين ملت منه صارت تحب المنكهات التانية
وأنا مرة دكتورة قالت لي المشكلة مش في المضاد الحيوي وإنه الناس عندها فكرة غلط عليه المهم إنه الواحد يغير نوع المضاد ما يعطي نفس المضاد كل مرة عشان الجسم ما يتعود عليه
والله أعلم
والله يرزق أولادنا صحة زينة
سلام عليكم ورحمة الله وبركاته
أخواني وأخواتي الأعزاء أحببت أن أضع لكم موضوع
لعلاج الجميع من الأنفلونزا ( الزكام)
الأكثرين منا استخدامه المضادات للأنفلونزا بطريقه غير صحيحة
ومنها المضادات الحيوية والفيتامينات والفيكس وشرب المشروبات الساخنة وما شابه
هاي الأشياء كلها تبعد مرض الأنفلونزا قليلاً بس بعد فتره يرى بعودة الأنفلونزا مره أخرى
بشكل أقوى ويرى بان جلبة إليه الحمى والسعال المستمر وزيادة قوة الزكام .
الطريقة لإبعاد الأنفلونزا بطريقه صحيحة
استخدام الفلفل البارد الكبير يجب تقطيعه واكله مباشره
لان الفلفل الكبير يمنع تواجد الأنفلونزا في الجسم يقضي على جميع
فيروسات الأنفلونزا ويبعدها خارج الجسم ويعطي الجسم المناعة الكافية لمضاد الأنفلونزا .
الطريقة الخاطئة
طبخ الفلفل وغليانه يبعد جميع فيتامينات الفلفل فلا يعطي إي فيتامين لإبعاد الأنفلونزا .
وأتمنى الصحة للجميع