المشيمة نازله عندي شو تنصحوني اللي مرت بحالتي ارجوكم؟؟ لسلامتك

السلام عليكم
امس رحت عند الدكتورة تسويلي سونار
قالت لي المشيمه نازله

شو يعني المشيمه نازله ؟؟وشو بيصير في هالحالات؟؟

وهل فيه تاثير على البيبي لاسمح الله؟؟
على علم ان البيبي اوكي والحمدلله

لان الدكتورة كلما اسالها عن شي تكون مشغولة وماترد علي عدل
بس اللي قالته لي لاتنامين مع زوجج تقريبا شهرين
وبس
وانا ظروفي ماتسمح اروح مره ثانيه هالايام للمستشفى

وابا اطمن هل هالشي خطر ولا عادي؟؟
وشو تنصحوني خواتي اللي مروا بهال الشي؟؟

اتريا ردودكم الله يخليكم لاتبخلون علي..

انا وايه خايفه على البيبي

للرفع

انا كانت عندي المشيمه بالاشهر الاولى- والدكتورة نصحتني اني ما اتعب عمري وارقد ع ظهري وارفع ريلي شوووي وفعلا قالت ان ما يصير بيني وبين زوجي شي ولو صاار يكوون ع الاقل مرة ف الاسبووع والحمدلله عقب فتره صار كل شي سليم … يعني اهم شي الراااحه

وان شاء الله خير لا تحاتين

انا صارلي هل شي ف الشهر الرابع و منعتني الدكتوره من ريلي و من تسبحين ف ماي دافي و دوم ارفعي ريلج وما تمشين وااايد والرااااااحه التامه…والله يثبت حملج يارب

مثل ما نصحوج الأخوات ..
أهم شي الراحة .. و رفع الريل وايد زين للحامل لأن غير عن أنه يحافظ ع وضع المشيمة .. يطلع السوايل الي تضرج و تضر جنينج برا الجسم …

انا في الشهر الرابع بولدي كانت المشيمه نازله بس الدكتوره قالتلي عادي لان الياهل يوم يكبر المشيمه
ترتفع بروحها….لا تحتين ان شاءالله ما شي شر

انا بعد صار لي نفس الشي في حملي الاول بس الدكتورة قالت لي ارقدي ع ظهرج وارفعي ريلج ع فوق