تخطى إلى المحتوى
الرئيسية » المشيمة نازلة….شو يعني؟؟؟؟ لسلامتك

المشيمة نازلة….شو يعني؟؟؟؟ لسلامتك

السلام عليكم ورحمة الله و بركاته….
خواتي اشحالكن عساكن ابخير و سهالة

خواتي انا في شهري الثالث…و قالت الدكتورة ان المشيمة نازلة و ما فهمتني شو السبب و الحل..

و نا عندي بنوته عمرها سنة و ثلاث شهور…
ف وايد اتحرك…..عشانها…

افيدوني…

حبيبتي اختي بعد شراتج وهنتين من ربيعاتي لا تخافين انت شراتها هي كانت في أول شهورها وبعدين لازم اتريحين شوي واتخلين حد ايود البيبي مالج ولا تخافين بعد كمن اسبوع بروحها بترجع المشيمه طبيعيه لانها كل ماتكبر ترتفع بس لاتعبين عمرج وخذي مثبتات بعد احسن لج خل تعطيج ابره

اختي حاولي ما تشلين بنتج وايد ولا تشلين اشياء ثجيلة بعد انتي توج ف الثالث وقالولج هاي الرمسه…الله يحفظج بس ترا الدكاتره كلهم يقولون نفس الكلام ويزيغونا ع الفاضي احيد يوم كنت حامل كله يقولون لي راس البيبي كبير والبيبي كبير ولا تاكلين وايد وانا مسوتلهم طاف وآاااااخر شي ولدوني قبل موعدي اونه البيبي عود وطلعت بنوتي وحليييييييلها 3 كيلو ؟؟ يعني وزنها عادي جدا حسبي الله عليهم لعوزوني…..توكلي على الله هو الحافظ ان شاء الله وشوي شوي على عمرج مثل ما وصيتج

الله يثبته لج يارب..
اناا كنت شراتج قالتلي الدكتوره المشيمة نازله شوي وكنت في اول الخامس ويوم سالتهاا قالتلي بعدهااا ما ارتفعت عليج بالراحه.. وان شاء الله تمر هالفتره ع خير.. وربج كريم

حاولي تنسدحين وترفعين ريولج على اليدار ولا تتحركين وايد

بالسلامه ان شاء الله

ريحي عمرج ولاتشيلين بنتج ابدن
الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.