المشيمة نازلة تغذية صحية

توني ياية من عند الدكتورة و انا 33 اسبوع يعني في الثامن … المهم احس بتقلصات و اضطرابات تحت و لما خبرت الدكتورة سوت سونار و قالت الراس مب نازل في الحوض

انصدمت انا من الرابع امشي نص ساعة لين السادس و بعدين ساعة و الحين من سعتين و احيانا اكثر و الحين اكل زعتر مب اشرب .. يعني اكل زعتر زعتر ما اسويه نفس الشاي … و لين الحين الراس مب نازل و الرحم امسكر …

عندي موعد يوم الثلاثا و تصوير و سويت فحوصات دم و بول لان دمي نازل 9 … شو اسو عشان ان شاء الله لين يوم الثلاثا الراس ينزل في الحوض … ابي اولد اول التاسع الله يخليكم تعبت و دوام و انا ان شاء الله من الاسبوع الياي اجازة فاخاف اتخلص اجازتي و انا ما ربيت

شو اشرب و كم من ساعة امشي تقريبا خبروني … ها تذكرت عندي مشكلة هي ان المشيمة نازلة … شو معناتها هاي ..

هلا اختي ان اللي سمعته ان الحرمه اذا كان الراس مب نازل تحبي ،اما عن المشيمه النازله ما عندي فكره اتمنى الاخوات يفيدونج…………

ماعرف والله بس منو قالج ان الحرمه فالرابع تمشي بالعكس انا الي عرفته لازم ماتمشين لين السادس عشان يثبت الحمل على العموم انتي بعدج فالثامن لين التاسع بروح بينفتح و فهالفتره امشي بس مب فالحر و مب وااايد ساعه حرام عليج تعب على الاقل 20 دقيقه و اتحملي على عمرج غناتي و من يجرب موعد الولاده روحي عند حرمه تمسحج و عليج بسورة مريم و على فكره مرت ولد خالي قالولها بالمستشفى راس الياهل فووووق و عقبها راحت العياده و قالو لها موعد ولادتج بعدها ليش اتحاتين الراس وين ابروح بينزل و فعلا ما شغلت بالها رغم انهم قالولها قيصريه طنشتهم قبل الولادة ربت و طبيعي و يابت ولد فديته عسل بس انتي اتحملي على نفسج و راجعي العيادات

بقولكم معلومه يمكن محد يعرفها ترى الدكتوره الي اتولد الحرمه بالقيصريه تاخذ بوينس على الراتب فكل دكتوره اتسوي قيصريه على طووول اتروح تكتب اسمها و الي طبيعي ما يكون لها بوينس فاغلب الدكاتره يخوفون الحريم عشان جي عشان ياخذن فلوس اتوكلي على الله و طمنينا

الغاليه معروف انه الوحده لازم تمشي من الثامن او ها انا اللي اعرفه و لازم ما تجهدين عمرج

بالنسبه لراس البيبي فعشان ينزل لازم تمشين وايد و انصحج تمشين على سيفة البحر

و المشيمه اللي اعرفه انه قد ما تقدرين لازم ترتاحين و مب زين المشي و المشيمه نازله…لازم قد ماتقدرين اتكونين طايحه

و أسألي الدكتوره هيه تقدر اتفيدج اكثر

ما ادري احس بتعب و احاتي الدوام تعبانة و ابي اطلع اجازة بس اخاف ما اربي و تخلص اجازتي

الله يعينج الغلا ويقومج بالسلامهـ

ماعندي اي فكره عن هالشي السموحه

انزين شو مخاطر نزول المشيمة … يعني اذا مشيت و المشيمة نزلت شو بيصير