السلام عليكم
يا ريت حد يشرح لي و يعطيني التفاصيل
شو يعني المسح بعد الولادة ؟ شو فايدته بالضبط؟ 
متى لازم اسويه؟
و وين نسويه ؟
انا مول ما اعرف بس اشوفكم ترمسون عن الموضوع وانا شرات الاطرش ف الزفة 
المسح بعد الولادة لازم يكون على إيدين خبيرة… يسوونه اليوم السابع أو العاشر مرة اذا كانت الولادة طبيعية، وعقب اليوم العشرين وبعدها اليوم الاربعين، بس مب شرط كل داية ولها طريقتها ونظامها… ومن فوائده: لرفع الرحم وارجاعه لمكانه واذا فيه ميلان بعد يعدلون مكانه + مساج الظهر وارجاع عظام الحوض لوضعه طبعا ع الخفيف وعشان اذا في توسع في الظهر، + وبعد من فوايده المساعدة على انزال الوصاخة والاشياء العالقة في الرحم لأن أحيانا يتجمد الدم في الرحم إذا كان شتا وبرد عشان جي التدفئة ضرورية جدا… ولا تشربين الخلطان ولا تستخدمين تحاميل الملح لانه مضرة اشربي القرفة أو اليانسون والحبه الحمرة واشربي حليب قليل الدسم ….
اذا كنتي من بوظبي انصحج روحي لام صقر. تمسح. ومشهوره ييونها حريم من كل مكان من الغربيه والعين ماشاءالله.
تسلمون ع التوضيح بنات
بس ابغي وحدة تمسح ف دبي الشارجة عيمان
اول مرة اعرف هالمعلومة
ان شالله تلاقي طلبج (؛
اول مرة اعرف هالمعلومة
ان شالله تلاقي طلبج