حبيت افتح موضوع جديد علشان الكل يستفيد
ما رايك في المستشفيات في دبي ((( للولاده)))
انا حاليا في بالي : دبي او الوصل او الكويتي او المستشفيات الخااااصه مثل ولكير وغيره وغيره
شو الخدمه عندهم والعنايه او مدي توفر وسائل الصحه
عدد الايام الي جلستي فيها في المستشفي سواء في البكر او الثاني
المساعده في توفير مكان لمرافق ؟؟ كراسي =مخدات
غرفه خاااصة حتي لو بتدفعين
صاله تمارين رياضيه في المستشفي اذا توفر بيكون وايد زين
مكان للعب الصغار عندما يزورونك ( حضانه مؤقته)
الغذاء
الادوات مثل التلفزيون واجهزه النداء وسرعة الاستجابه- التلفوون
النرس وحسن المعامله مثاااال: يووم تبين تنشين من السرير تحسين انها تفز علشان تسحبك وتساعدك
او تتركك لحالك لان هذا مش من اختصاصها
انا كتبت الاشياء الي تدور في بالي حاليا
ممكن تضيفون زياده وتساهمون في الموضوع للاستفاده بنااااات
وكل وحده تحط تجربتها او افكارها هني علشان الكل يستفيد ويفيد
عني أنا مب من دبي بس لي ولادتين في مستشفى الوصل عنايتهم زينه بس لما يكون عندهم زحمة مااتيج الدكتورة بس الممرضات معاملتهم زينه يتحملونج وانا من النوع اللي اشل المستشفى على راسي من الصريخ:1 (36): بس صج يتبرضون لج وأغلبهن الهنديات والدكاترة معاملتهم هم زينة ومريحة تصبر عليج وتنصحج ..
– اقعد يومين بس يعني ولدت اليوم ويرخصوني باجر بس لو بغيت اتم عادي ولو تعبت من شي او البيبي مايرخصوني ..:1 (80):
-كانو يوفرون لي كل شي ولأمي بعد ماقصروا فيها بس نحن نطلب ..:1 (80):
-وعن صالة التمارين ماعندي فكرة ..:1 (7):
– اكلهم نظيف ومرتب:1 (20):
– الاجهزة الالكترونية متوفرة ..:1 (80):
-الممرضات معاملتهم وايد زينه حتى ابتسامتها لج تريحج بس مو لدرجة انها تفز وتساعدني اذا بقعد لكن بعد الولادة يشلوني ياخذوني للحمام عسب يسبحوني او يغسلوني بس انا ما ارضى لكنهم يعرضون علي ..:1 (80):
:22 (12): المهم انهم يتبرضون لج وايد بصراحة وانا ارتاح عندهم انا ماجربت المستشفيات الخاصة بدبي يمكن خدماتهم راقية واحسن بس اللي شفه في الوصل ريحني واسمع البعض يذمه وكل على حسب تجربتها
وتسلمين يا الغالية على الموضوع المفيد هذا وننتظر تجارب الاخوات ..
:22 (22):
انا كنت رايحتلهم الصبح الساعه 11 كان الرحم مفتوح 5 ,, بس ما كان فيني عوق حطوني ف غرفة الولاده بروحي فيها ويتني كمن دكتوره لين ما ربيت ,, والحجره كانت لي بروحي ,, تميت فيها لين 7 المغرب هاييج الساعه ربيت ,, صبروا علي لين ياني العوق وما استعيلوا مووووول .. وانا كنت بجر طبعا ,, النيرسات بس ولدوني ,, طيباااااات واااايد وما يستعيلن ,, يساعدنج ويعطونج تعليمات ..
والحمدلله ربيت وانا مرتاحه ,, وعقب يت الدكتوره وخاطت الجرح ..
تميت ف المستشفى يومين واميه وياي ,,بروحي ف الغرفه .. وطبعا الوجبات لي ولامي ,, اول يوم عقب ما ربيت ما خلوني ادخل الحمام كرمتوا الا والنيرس وياي بس اميه قالتلها ما عليه اطلعي انا بتم وياها وكانت مصره الا اتم وياي تخاف شي يستوي علي بس قلتلها انا زينه ما عليه روحي عني ..
واهم شي ياخذون البيبي عندهم يسبحونه وف الليل يبات عندهم ,, ويشربونه حليب من عندهم اذا الام ما فيها حليب طبعا اول الايام حليبها قليل علشان جيه يساعدونها ويعطون البيبي حليب اذا ما فيج ..
وتمر عليج الدكتوره يوميا تشوف الجرح ,, وطبيب الاطفال يفحص البيبي ..
صراحه وااااااااااااايد ممتاز ,, ما افكر اربي ف غيره ان شاء الله ..
بس حزة الولاده ما يرضون يدخلون وياج الا شخص واحد ,, انا ريلي بس دخل وياي واميه وعمتي واختي خلوهم برع ..
اتمني الموضوع يكبر اكثر والكل يشارك
انا عندي ناويه في مستشفي دبي
الله يعين
لين الحين محد مدحهاااا
نبي تفاعل بناااات
فرق بين الخاص والحكومي
الحجره ب 1500 في الليله و ايقولون الخدمه ممتااااااازه
الحجر وسيييييعه و الاكل راقي
بس انا اشوف ماله داعي،،الحجر العاديه اتكفي بالواجب
الي تبي صاله رياضيه لازم تطلب من الدكتوره ايحولونها لقسم العلاج الطبيعي هناك فيه صاله ايعلمون تمارين بعد الولاده
سواء مستشفى الوصل او مستشفى دبي،،الدكاتره ايقومون بالواجب مايقصرون
الله ايقومكم بالسلامه يارب و يرزقكم ياهل صاحي معافي
و يرزق كل الي في خاطرها الذريه الصالحه امييييييييين