المستثمرات مع عيون الورد

خواتى بناء على طلب بعض البنات الى مشاركين مع عيون الورد وبناء على طلب اخوات كلموا اهلها او زوجها وعدوهم بترد الارباح كاخر تاريخ 12/9 لجميع المشاركات الى ما استلموا ارباحهم لين الحين هذا والله اعلم

الرجاء من الاخوات الى ما ارسلوا بياناتهم للاخت النظره الخجوله ارسال الاسم وتاريخ المشاركه والمبلغ ورقم التواصل حتى يتسنى لها ارسال معلوماتكم لعيون الورد لارسال مبالغهم وحتى لا تكون حجه اخرى على تاخير ارباحكم

واذا لم يتم الوفاء بالوعد في هذا التاريخ فانا لست المسؤوله و ارجوا مراجعه
اصحاب الشأن

انا مجرد رسول ينقل رساله البنات لا غير

ان شاء الله يردون الفلوس للبنات بهالتاريخ وقبل بعد

ومشكورة اختي سلرا

يزاج ربي كل خير

سوريـ على التدخلـ بس عنديـ سؤالـ صغيروني ،

بالأصحـ إستفسار وتوضيحـ

مب كلـ البناتـ يدشونـ النتـ بشكلـ متواصلـ

بعضهنـ مسافراتـ أو مشغولاتـ بالمدارسـ وتجهيز أخوانهنـ وعيالهن

الليـ ماحصلتـ فرصهـ تدخلـ النتـ وكانتـ معتمدهـ تاخذ أرباحها عقبـ فترهـ شو بيكونـ مصيرها إذا كانـ آخر يومـ هو تاريخ 12 من هالشهر ؟

راحت عليها؟

ياليت اي وحدهـ ترمس أهل عيون الورد عسى ربي يشفيها يسألهمـ بخصوص هالنقطة

آسفهـ على التدخلـ

بيكون عندها رقم عيون الورد

خلها تدق عليهم او ترسل مسج وتخبرهم

لانه نحنا مو بيدنا شئ

هلا الغالية….الموضوع معلق صار له أكثر من شهر..ماظني في وحده راقده على عمرها وعن فلوسها كل هالوقت….عالعموم ان شاء الله خير والله يعافيها

مرحبا الســــاع

اولا اشحالكن خواتي ربكن الا بخير وسهالة؟…

ثانيا اسمحليه ارمس بالنيابة عن عيون الورد وأقولكن انه كل البنات المشتركات وياها وحابات يستلمن بيزاتهن بيستلمنهن خلال هالشهر واللي حابة تستمر وياها وتستثمر فلوسها زيادة بعد حياها الله

خواتي عيون الورد وايد ميهوده لدرجة انها ما ترد على مكالماتكم والمسجات اللي اطرشهن ريلها يطرشهن بالنيابة عنها فأتمنى انكن ما تضغطن على الريال لانه مثل ما تعرفون وراه دوام والتزامات من غير وقفته ويا حرمته في مرضها عشان جيه عطنه مهلة هالشهر بس وان شاء الله بيرجع لكل ذي حق حقة
أرجو انكن تقدرن ظرف ختنا عيون الورد ولا تيلسن كل يوم والثاني نزلتن موضوع عنها أدري ان المال عديل الروح لكن عيون الورد انسانة أمينة ونزيهة والحمدلله الله منعم عليها وعلى ريلها وما تبا الحرام وما اعتقد انه فيه حد من عيال زايد يرضى بالحرااااام والا شرايكن؟

وهذي مب اول مرة تسوي فيها المشروع والحمدالله ماحد اشتكى لكن سبحان الله الانسان تستويله ظروف ويذكره ربه وزكاة ابن ادم الا من بدنه وصدقوني هي ما عندها حد يرد عنها اختها تدرس في الجامعة وما تقدر ترد الا الجمعة والسبت وريلها ما يقدر يهبط منتدى حريم والا جان ما خلتكم جذيه بدون ما تعرفون اللي لكم واللي عليكم ..

اتمنى انكن تراعن ظرفها وما تشككن في امانتها خواتي وهذي ظروف تستوي لاي حد وما اعتقد لو وحدة منكن كانت في مكانها بترضى باللي قاعد يصير أقل شي ممكن تسويه انها تحط في خاطرها صح؟..

عالعموم اللي تبا بيزاتها تخبرني او تخبر النظرة الخجولة مثل ما كتبت المشرفة سلرا فوق وادعن لختكن بالصحة والعافية وان الله يخليها لعيالها واهلها لانها فعلا ساعدت وااااايد بنات بفكرة هالمشروع في استثمار بيزاتهن والله يجزيها ألف خيييير..

فضلا وليس أمرا … أي وحدة من الخوات اللي استلمت بيزاتها تسجل اسمها هنيه

واللي ما استلمت تخبرني كم بيزاتها وفي اي شهر حطتهن وان شاء الله بتستلمهن خلال هالشهر وما يصير فالكن الا طيب

والسموحة من الجميع عالاطالة بس حبيت اطمنكم عشان ما اتحرونها اتهرب من مكالماتكم ومسجاتكم

واي استفسار انا حاضرة

والسلام عليكم ورحمة الله وبركاته

يزاج الله خير على الرد واختى ترا في هالموضوع ماتقدرين تلومين حد لا ضروف عيون الورد ولا البنات الكل عنده حق لان فيه بنات عندهم ضروف ما تقل عن ضروف عيون الورد والى مختلفه مع اهلها والى عندها مشاكل مع زوجها كله بسبت التاخير فما نقدر اللوم اى طرف كل حد وظروفه وهم لما تكلموا او لما فتحنا الموضوع ما كنا نشكك في امانه حد نحن نبا كل ذي حق ياخذ حقه لا اكثر ولا اقل ومثل ما قلت لج فيه ناس عندهم ضروف صعبه ولازم الواحد يقدر ضروفهم بعد ما اعتقد انتى الغاليه او هيه او اى حد يرضا لهم بهالشئ والله يعافيها ويخليها لعيالها ويعافي كل مسلم