هلا خواتي .. تعالوا معايه في جولة في مترو دبي
بننطلق من محطة الراشدية .. بسم الله الرحمن الله
اولا ندخل مبنى مواقف السيارات المتعدد الطوابق (7 طوابق)
يتسع لـ 3000 سيارة .. والموقف مجاني لمستخدمى المترو طبعا
الى الطابق الاول
وندور موقف فاضي .. في الدور الاول
وننزل وندخل المبنى .. وبنشوف مصعد ..
وهذي صورة اللوحه اللى جنب المصعد موضح فيه كل دورة وشو يحتوى
الدور الارضي (باصات المواصلات + مقعد انتظار مكيفة + حمامات معاقين-نساء- رجال )
الدور الاول (القطار + مواقف للسيارات + حمامات معاقين-نساء- رجال )
الدور الثاني الى السابع (مواقف سيارات)
والحين نحنا في الممر المؤدي بين مبنى المواقف ومبنى المترو
واللى طالع في الصورة هو مبنى مواقف السيارات المتعدد الطوابق
ونمشي شوي ..
وبنحصل ستاربكس ..
وهنيه لوحه موضح فيها مكان القطار .. للأسفل
يالله تعالوا .. تحت
ولما ننزل تحت بنحصل شبابيك وماكينات بيع التذاكر ,,
واشتريت تذكرة نول من الماكينة ..
لاني ما احب اوقف في الطابور مال شباك الذاكر
من محطة الراشدية الى محطة خالد بن الوليد = 7 دراهم (بلالالالالالالاش)
وطبعا محطة خالد بن الوليد هي اللى عند برجمان
والاظفال اللى اقل من 5 سنوات free
ويالله ندخل ..
بس انمرر البطاقه فوق الدائرة البيضاء وينفتح الحاجز
طبعا المكان كبير ونظيف
والخدمات والمحلات واجهزة الصراف الالي .. متوفره
واذا اتحبون تستعملون المصعد او الدرج المتحرك او الدرج العادي ..
كلهم متوفرين
وهالصورة من داخل المصعد للخارج ..
وهالصورة والمصعد طالع ..
وصلنا قبل المترو .. وبعده ما وصل ..
ومثل هاللوحه منتشرة فوق الابواب تبين مسار القطار
يالله وصل .. حياكم اركبوا معانا
المترو كان اوكيه ما فيه زحمه ابد
قعدنا على الكراسي ..
وما شاء الله على شرطة دبي .. في كل محطة متواجدين
ربي يحفظ النا بلادنا من كل شر .. والحمد لله على نعمه الامن والامان
اتسكر الباب
ومشى القطار .. توكلنا على الله ولا غالب يغلب الله ,,
مرينا على بن سوقات سنتر ..
ومتوجهين الى محطة مطار دبي – المبنى 3
يمشى القطار بسرعه 70 كم / الساعه
هذا مبنى دناتا الجديد ..
وهذا مبنى طيران الامارات – الناقل الرسمي للدولة
وهذا مطار دبي مبنى 3
وهذا الممر اللى يربط محطة المترو بالمطار (مبنى3)
وقفنا في المحطه .. وهالصورة توضح الممر
صورة شيخنا (محمد بن راشد آل مكتوم) منورة المحطه
ربي يطول في عمره .. ويجعله ذخر لبلادنا
وتحرك القطار متجهه نحو محطة ديرة سيتى سنتر
صور لطائرات الامارات ..
مبنى السوق الحره – دبي
مطار دبي (مبنى 1)
الامارات لتمويل الطائرات
النفق اللى قبل المطار
الحين انحرف القطار متجهه لمنطقة القرهود
اللحين نحنا في القرهود – عند مستشفى وليكير
وهذا فندق السوفيتيل سيتى سنتر
محلاك يا دبي .. يا دار الحي
والحين نزلنا تحت الارض …
لان محطة السيتى سنتر الى محطة خالد بن الوليد محطات تحت الارض ,,
والحين الى محطة الاتحاد (اكبر محطة مترو ارضية في العالم)
وصلنا محطة الاتحاد
شوفوا الديكورات .. في محطة الاتحاد
والحين الى محطتنا محطة خالد بن الوليد
وصلنا بالسلامه .. محطة خالد بن الواليد .. والحين نزلنا
ديكورات هالمحطة كلها باللون الازرق
وصور للبحر وايام الغوص
نزلنا هالمحطة .. والمترو رووووووح .. بيكمل رحلته .. الى جبل على
يالله الى المصعد ..
بعد ما طلعنا من المصعد .. خذنا درج متحرك ..
ووصلنا الى فوق ..
والحين طعلنا برع .. وعلى طول خطوتين .. ونحنا في برجمان
يالله تعالوا ..
وهذا الكافيه اول ما تدخلون برجمان .. شكله حلو .. عجبنى
الوانها ررررروعه .. قلت بصورها الكم ..
وخلصت الشوبنج .. وصار الوقت مساء ..
وبرجع من محطة خالد بن الواليد الى محطة الراشدية ..
لأخذ سيارتي .. والذهاب للبيت ..
واشكركم لمتابعة الموضوع ..
مشكوره اختي على الصور الحلووووه