● ● ۝ (المتبقي من دفعاتي للقطع بأنواعها)۝ ‏● ● تدابير منزلية

كل عام وأنتم بخير

مرحبا الغاليات

مثل ماعودتكن دايماً أييب أحلى الخامات
والقطع الأكثر طلباُ

آراء البنات إللي تعاملن ويايه

المشاركة الأصلية كتبت بواسطة Meerani

السلام عليج ورحمة الله…
مبارك عليج الشهر…
وصلت الطلبية الحمدلله
الصراحة القطع واااااااااااااايد حلوه وخامتها ناعمه وحلوه ماشاء الله
بس الحين متوهقه بالموديلات..ماعرف اي موديل افصل فيهن…
بس خاطري هالقطع يكونن ثياب العيد لهالسنة …ف ماعرف شسوي

المشاركة الأصلية كتبت بواسطة نانا الحيرانة

السلام عليكم حبيبتي
امس واخيرا استلمت الطلبيه
القطع واو روووعه مشكوووره وايد
واكيد ما بيكون اخر تعامل
موفقه

المشاركة الأصلية كتبت بواسطة هزووفه

الغالية توهم من شوي وصلوووني القطع
ماشاء الله روووعه خص الحمرا عشقتها خخ
مشكورة وماقصرتي ..
وخبريني اذا رديتي لتجارة لقطع ..

المشاركة الأصلية كتبت بواسطة شموخ عــــز

مرحبا
مشكوووووووره واااايد الطلبيه وصلتني
والقماش مثل ما كنت أبي وإن شاء الله بكون من زبوناتج الدائمين وأنتظر كل جديد ..

المشاركة الأصلية كتبت بواسطة o0o0o

شحالج عساج بخير…؟ فديتج الاسبوع الي طاف انا طلبت من عندج قطع وصلني وصراحة قطع ولا اروع…. من اليوم ورايح انا عميله عندج…. دوم بطلب من عندج ان شاء الله… لاني ما اسير السوق وايد اقص قطع وان سرت احتار ما اعرف شو اخذ…. والحين ابا طلبية ثانية… لو ان الخياييط مايخيطون الحين جان عقب العيد على طول اخيطهن…. المهم…
الطلبية:
شيل الصفوة:
1 الازرق الزاهي
4 الرصاصي
10 الاحمر
12 البيج
15 البرتقالي
قطع بوتيله:
رقم 1 الاصفر
رقم 4 الوردي
رقم 7 الازرق الفاتح

… وحابة اتواصل معاج عالواتساب اذا عندج … عشان اعرف يديدج… وشكرا

المشاركة الأصلية كتبت بواسطة عطر ون مليون

..
هلا اختي …
ماشاء الله وصلتني الطلبيه بالوقت المحدد
والقطع روووعه …. مشكوره ما قصرتي على تعاملج الراقي

وان شاء الله برد اطلب منج عقب العيد

المشاركة الأصلية كتبت بواسطة MaZyo0onT-AD

مرحبا الغاليه
القطع روووووووووووووووووووووووووووووووعه
و الالوااان روياااااااااااااااااانه انتي ظالمتنهن بالتصوير و ملمسهن نااااااااااااااااعم
صدق حلوااااات مثل ماتخيلتهن و احلى
الله يعطيج العافيه

المشاركة الأصلية كتبت بواسطة {"البريسم"}

مرحبا اختي , القطع اوصلن و ألوانهن روعة و وايد حلوات تسلمين و ما قصرتي , و شرفني التعامل و ياج و السموحة على لقصور ,

بسم الله نبدأ

عندي مجموعة من القطع المتنوعة وحبيت أنزلهن في موضوع واحد
بسم الله نبدأـ

أولاً: ( قطع الاسترج)
المعروفة بنعومة ولمعانها الرهيب
وفخامتها في اللبس

القطعة ثلاث وارات ونصف بل أكثر من النصف، كما أنها عرض عرضين
يعني تقدرين تسوين فيها الموديل إللي تبينه، أو البدلة إللي تحبين تلبسينها، بس بعض القطع إلللي نزلتها 3 وارات وشوية مب ربع ولا نصف بس تقدرين تسوين فيها اللي تبينه عادي ما بيقصر منها شيء أنا مجربه

نوعيتها ممتازة وأنا متأكدة إللي بتاخذ من عندي بترجع تطلب مرة ثانية
صناعة الخامة كوريا
طبعاً في السوق الموجود نوعين صيني وكوري وما أعرف إذا في أنواع ثانية
بس الصيني رخيص ويكون جاف وخشن أحياناً وخفيف
أما الكوري لا يعلى على نوعيته الفاخرة ناعم وثقيل
وعن تجربة أنا أغلبية ملابسي استرج، الصراحة أناقة وفخامة على اللبس صدق صدق بتحبونهن

(رجاااء بنات الصور من تصويري مابغي أي وحدة تاخذهن وتنسبهن
لنفسها إلا إذا خذت إذن مني)

السعر (55) درهم لـ ثلاث وارات ونصف
و (50) درهم لـ ثلاث وارات فقط

رقم s6 ثلاث وارات

رقم s7 ثلاث وارات

رقم s8 ثلاث وارات ونصف

رقم s13 ثلاث وارات

رقم S20 ثلاث وارات ونصف

رقم S21 ثلاث وارات باقي وحده بس

يتبع ………………..

رقم S24 ثلاث وارات

رقم S25 ثلاث وارات

رقم S26 ثلاث وارات

رقم S27 ثلاث وارات

رقم S28 ثلاث وارات ونصف

ثانياً : (قطع بوتيله)

نوعها ليبرتي خفيف ناعمة وباردة للصيف، وحلو تسوين عليها موديلات مع قطع سادة أو مخططه لج أو لبنتج ، أوانها زاهية وحلوه ، الطول أربع وارات

السعر 45 درهم

رقم (1)

رقم (2)

رقم (3)

رقم (4)

رقم (5)

رقم (6)

رقم (7)

رقم (8)

رقم (9)

يتبع………….

ثالثاً: (قطع القطن السادة (بوقليم) مخططه)
القطع السادة بوقليم تكون مخططه بالطول من نفس لون القطعه
وايد حلو يوم تطرزين عليها أو تسوينها موديل ودخلين عليها ألوان ثانية
تطلع راقية في اللبس
والخامه خفيفة وباردة وناعمة
صناعتها من الهند
الطول أربع وارات

والسعر 45 درهم

الأزرق

الوردي

الأحمر( لونه على الطبيعة رويان وحلو بس الصورة ظالمتنه)

البنفسجي

رابعاً: (قطع مع شيلهن (سادة مخططات))

القطعة ماعليها كلام قطن خفيف وسط ما يشف الجسم ولا غليظة، لها لمعه حلوه وأوانها رويانه
والصراحة على اللبس تلفت من حلاتها
والشيلة نااااااااااعمة وايد وخفيفه

والسعر (55) درهم

الأصفر رقم(1)

الأصفر رقم(2) ماشي اختلاف في اللون بس في الخطوط

البنفسجي

الوردي

الأخضر

العنابي

الأزرق مخضر

التركواز

الفوشي

الأحمر

يتبع……………..

قطع القطن مع شيل الصفوة المعروفات عند الراقيات
دلع وأناقة في نفس الوقت
والشيلة صفوة طبعاً كلنا عارفين الصفوة وفخامتها في اللبس

طبعاً كانت عندي تشكيلة كبيرة وخلصت وهذا إللي بقى منها

السعر 90 درهم

رقم (17)

رقم (24) باقي وحده بس

سادساً: (شيل الصفوه السادة الأصلية 100%)

معروفة شيلة الصفوه بفخامتها في اللبس وخصوصا السادة ألوانها حلوه ومميزة ونعومتها عجيبة،
وهذي أصلية لأن في السوق موجود أنواع كثيرة في منها صفوه مخلوط بالنايلون وتزلق بسرعه تكون ثقيلة، أما إللي أنا يايبتنها أصلية وتثبت على الراس وتتميز بخفتها ما فيها أبدا وزن، طولها وارين.
نوعيتها ممتازة وأنا متأكدة إللي بتاخذ من عندي بترجع تطلب مرة ثانية

السعر (35) درهم

وهذيلا بس باقين
رقم (6) فستقي فاتح

رقم (7) أزرق غامق (كحلي)

للإستفسار على العام
للطلب على الخاص

أرسلي طلبك :
الاسم:
الامارة:
المنطقة:
رقم الموبايل:

(الطلب من داخل الدولة)
طريقة الدفع
سلم واستلم 25 درهم جميع إمارات الدولة (أبوظبي، دبي، الشارقة، العين، رأس الخيمة، الفجيرة، عجمان، أم القيوين)
ما عدا (غياثي ، بدع زايد، السلع، المرفأ، الغويفات) 45 درهم
أما هذي المناطق (الوقن، القوع، الزهرة، الختم، الخزنة) 40 درهم
والمناطق (الحويلات، المدام، حتا، المنيعي، الهباب، مزيرع، مصفوت، وادي الحلو، نزة، فلي) 30 درهم

(الطلب من خارج الدولة)

طريقة الدفع
تحويل المبلغ عن طريق الصرافة أو الويسترن يونيو، ويتم ارسال الطلبية
عن طريق البريد السريع
قيمة الشحن تحسب على حسب وزن الطلب ويحدد فيما بعد

أتمنى إللي تدخل ترفعلي الموضوع بدعوة حلوة منها
وشكرا

المشاركة الأصلية كتبت بواسطة نيروز الشام

كل التوفيق

مشكورة حياتي