بنات بغيت استفسر اذا في وحده خريجة مقبول من الجامعة وقدرت تاخذ الماستر أنا عند توفل وخاطري اكمل دراستي بس انا خريجة مقبول ..أبغيكم تساعدوني ارجوكم ريلي عنده دكتوراه ويفكر يكمل مابغي أكون اقل منه
ومشكورات
انا خريجة جامعه الامارات من كلية تقنية المعلومات وبتقدير جيد
انا من سنه تقريبا اتصلت على جامعه الشارجه وقالولي يقبول بمعدل 2 على الاقل بس الحين ما اعرف
انا بدور وبستفسر واذا عرفت شي بخبرج وانتي اذا عرفتي شي خبريني (لوسمحتي) لان هالموضوع وايد شغال تفكيري
عندج جامعة الشارجة
اي يو اس ( الامريكية )
و البريطانية في دبي
لي نصيحة اوجها لج دام ريلج عنده دكتوراة….يعني انه تفكيره يكون راقي ومدروس لذلك انصحج بالرقي في التفكير والتعامل والحياة كلها… هذا أهم شي حتى ولو ما كملتي دراستج..طبعا لا اريد أن انقص من قيمة التعليم والدراسة لكن التفكير العالي أهم من التعليم العالي..
لج كل التحياتي واسال الله ان يسعدج ويوفقج
المشاركة الأصلية كتبت بواسطة redmoon 
انا خريجة جامعه الامارات من كلية تقنية المعلومات وبتقدير جيد
انا من سنه تقريبا اتصلت على جامعه الشارجه وقالولي يقبول بمعدل 2 على الاقل بس الحين ما اعرف
انا بدور وبستفسر واذا عرفت شي بخبرج وانتي اذا عرفتي شي خبريني (لوسمحتي) لان هالموضوع وايد شغال تفكيري
أنا والله نفس الشي انتي 2 انا خريجة 1.99
ان شالله اذا حصلت بخبرج..
أنا أشتغل عسب جي التوافق بين الشغل والدراسة مهم عندي ..خاصه ان في جامعات ادرس في الويك اند..
ألف شكر لج يالغلا واذا عرفت شي بخبرج