وايدين يعانون من القولون العصبي وانا منهم عقب ما خف عني بشكل نهائي بعد ما تعالجت سبحان الله من كم من يوم رد لي الويع وانتفخ القولون لاني عصبت
امس وانا اجلب القنوات حطيت على قناه اظني اسمها طيبه قناه سودانيه وكان فيه واحد يتكلم عن الاعشاب والعلاج ( طبيب اعشاب )
اتريا ولنه يقول وعن القولون العصبي الافضل عدم اكل البقوليات والفول السوداني وانا كنت ماكله زبدة الفول السوداني يوم الجمعه وقال وصفه يا بنات جربيتها وسبحان الله مفعولها عجيب الحمد لله خاز الالم والانتفاخ
اللي تعاني واللي عندها حد من اهلها يعاني جربوها وبتفيدهم ان شاء الله
صح الطعم مممممممممممممم استغفر الله بس مجبورين شو نسوي
طولت عليكم
اغلي ملعقه متوسطه من القرنفل ( المسمار ) في كوب ماء وعقب ضيفي ملعقة عسل متوسطه
واشربيه وانتي والخير رباعه
طبيب الاعشاب قال عقب كل وجبه
جربو هالوصفه وادعو لي على الاقل احسن عن الادويه المسكنه
بالنسبه للأمساك اخذي ملعقه متوسطه قبل النوم من زيت السمسم
واذا كان الامساك دائم اخذي لمدة اسبوع فقط ملعقة طعام صباحا على الريق زيت الزيتون
انا ما جربت وصفة الامساك بس بجربها لانه عموما مرضى القولون اما امساك او اسهال عزكم الله
وان شاء الله يتم الشفاء قادر على كل شي
للأسف تكلم عن علاج لتساقط الشعر بس ما سمعته زين ما كنت مركزه
احبكم في الله
بس اعاني من الامساك ماعرف شو اسوي
المشاركة الأصلية كتبت بواسطة عذبة السديم 
بس اعاني من الامساك ماعرف شو اسوي
الغلا
جربي ملعقة طعام يوميا على الريق زيت زيتون ولمدة اسبوع فقط
وان شاء الله خير
او في الليل قبل النوم ملعقه وسط من زيت السمسم
اختاري شي واحد هب لثنينه
وحياكم الباري
و تسلمون علي الموضوع المفيد…