اللي مسحوها بعد الولادة واللي عندها خبرة …لا تبخلون علي بالرد.. لصحة الجسم

خواتي بدخل في الموضوع بغيت اعرف الخوات اللي مسحوهن الحريم بعد الولادة يعني مثل تدليك او مساج شو رايهن؟؟؟ نفع وياهن

لاني سمعت كمن وحدة تقول ما له داعي يعني تكفي المطارة الحارة والحزام؟؟
وحد يقول مهب زين لان فيه حد يحرك بيت الضنا او الرحم من مكانه؟؟؟

ما ادري فيه وحدة استفادت منه …يعني تجاوبني على هاذي الاسئلة:
1- متى سوت بالضبط بعد الولادة مباشرة او بعدها باسبوع؟؟؟ وكمن مرة؟؟
2- ريحها وتحس انه نزل الدم كله؟؟
3- ضعفها ؟؟ولا ما له خص بالنحافة؟؟
4- اذا تعرفين وحدة ممكن تعطيني رقمها على الخاص ؟ وانا من الشارجة..

مرحبا يالغالية ان شاء الله يفيدونج بنات
كل وحده من تولد في عايلة لازم وحده تمسحها عادي ما سمعت ان صار لهم شي بعد الله واعلم

انتي شو سويتي في ولادتج الاولى؟؟ طبقي هالمرة في هالولادة ولا تحيرين عمرج من الاسئلة

لانه ماشاء الله قريت لج موضوع عندج طفلين يعني ماشاء الله خبره

والله يقومج بالسلامة

مرحبا يالغالية ان شاء الله يفيدونج بنات

لا اختي ما عندي خبرة اول ولادة الله يعافيج ما كنت اعرف شي وياني التهاب السحايا وانا في الشهر السادس وتميت بالمستشفى الين التاسع وولدوني بالاسبوع 36 بطلق صناعي وعانيت بالادوية والمضادات تخيلي 13 حبة باليوم من غير اللي بالوريد يعني كنت مووووول لولا رحمة ربي
الثاني اعتبره كانه اول حمل يعني اعراض غريبة علي وما كنت ادخل النت او اني اقرا او اثقف نفسي عن الحمل والولادة بحكم اني كنت ادرس واشتغل في نفس الوقت فكنت مثل ما تقولين اهتمام اقل ومتنت عن اول
الحين ابغي اهتم اكثر لاني كبرت ونضجت وكبرت وثقفت نفسي اكثر