اللي مجربة اللولب بلييييز

السلام عليكم ورحمة الله و بركاتة: أبي مساعدتكم خواتي يزاكم الله خير يعني اللي مجربة اللولب تقولي شو هي فوايد اللولب و مضارة لأني صراحة بعد ولادتي الأولى قلت ما راح أستعمل أي نوع من أنواع منع الحمل و راح أستخدم المنع الطبيعي ، لكن حملت و ولدي عمره ست اشهور و تعبت نفسيا و يلست أصيح ليل ونهار ……………..و الحمد لله يبت ولد أمور………..و الحين ولدي عمره ست اشهور وأنا واااااايد خايفه أني أحمل أبي أرتاح أشوي وأربي أعيالي على راحتي ……………فقررت أني أركب لولب ……..لكن قلت أبي آخذ رايكم ……..واسمحولي على الإطالة…..

اللولب وايد زين ومأمؤن بإذن الله وتأثيات موضعية مش مثل الحبوب والابرالي تخربط الهرمونات وتعفس الدنيا
أنا عن نفسي ركبت اللولب الهرموني والحمد لله ارتحت وايد عليه
اتمنى اني أكون افدتج

حبيبتي أنا نفسج لما يبت ولدي قلت بمنع طبيعي ولكن حملت ويتني حالة اكتئاب وصياح أستغفر الله – لأن ولدي كان عمره 4 أشهر وأنا حملت ، المهم بعد الولادة الثانية قلت بخذ حبوب بس ما ناسبني صداع وألم ظهر – المهم حطيت لولب من أربعة أشهر وتعرفي شو صار الدورة تلخبطت اتم فيني اسبوعين وتوقف أسبوع وهكذا وما توقف إلا لما أخذ حبوب – أنا تعبت تعرفي تنزلي بغزارة وعشان الصلاة تلخبطت بعد – ودوامي – راجعت الدكتورة وقالتلي بتخوزه وأنا محتارة ، بس للأمانة ما تحسي بألم وقت التركيب بس شوية في الظهر ساعات وعقب الحمدلله بس المشكلة في الدورة شكله ما ناسبنبي – إنتي جربي يمكن يناسبج لأنه أفضل طريقة . اسمحيلي طولت عليج وايد .

مشكورة الغالية أم أحمد و حمد صراحة شجعتيني وايد و أنا كنت متخوفة

اللولب وايد زين ومأمؤن بإذن الله…انا عن نفسي حطيت اللولب خمس سنين ما حملت

اشكرج حبيبتي ذكريات على الرد لكن فعلا أنا مضطرة أني أجرب و إنشاالله يضبط معاي و أنا صراحه ما أحب العازل الذكري و ريلي رافظ أني أستعمل حبوب المنع لأنه خايف من تأثيرها السلبي

مشكورة يا أم الريم على الرد و إنشالله أن بعد أضل خمس سنين على الأقل أنسى تعب الحمل و الرضاعة و اليهال ياخذون حقهم في الرعاية و الاهتمام