اللي عيالها ما يروحون الحضانة…. ولا الروضة…. ولا المدرسة..كيف يقضون يومهم؟؟؟ في الامارات

ا اشتري له دفتر تلوين ولوني معاه،، أو اشتري له مكعبات والعبي وياه، حاولي انج تسحبينه من التلفزيون..

مشكورة أختي على الإفادة……
عنده هذا كله…
يلون ويرسم….. لكن يمل بسرعه….
غير أني أكون في الدوام الصبح لين الظهر…….

اول شي لازم تقعدين معاه وتفهمينه ان ممنوع يقعد طوول الوقت ع التيلفزوون.. وحدديله الاوقات المناسبه وبس…

انا ولدي يقوم ع 9 يتريق ويطالع التيلفزون لين 11 تقريبا.. بعدين يطلع قبل الغدا يرووح الصاله .. يلعب مع عيال عمه يكووننون وصلوا من المدرسه…
ويتغدا وينام…….
العصر يتسبح ويطلع يلعب بالسيكل او السياره فالحوش مع العيال …
هذا اذا ماطلعنا من البيت..
والمسا يتعشى ع التيلفزوون ويتسبح.. واخليه شويي يطالع… عقب خلاص ابنده عنه.. وينام.. يعني ع 11

وبس..

بس وااااااااايد مهم انج تلعبين معاه.. خذيله قصص .. وكتب ملونه مصوره…
والوان.. واشتريه مكعبات ولدي وايد ايحبهن.. يعني اشياء تشغله عن التيلفزوون شوي

وحتى اانا اكون فالدوام الصبح عشان جييه مسموح له يشووف الصبح.. عشان ارتاح وكون مامنه عليه

أنا عيالي 3 سنوات ونصف و2 سنتان أقومهم الصبح أوديهم بيت عمتي وأداوم ويتمو يلعبو ويطالعوا التلفزيون وألعابهم عندهم يسيروا عند الهوش والدياي وأي من الشغل الساعة 1 ونصف وأتغدا ونروح ينامو من الساعة 2 ونصف لساعة 4 وأقومهم غصب وبعدين يتمويلعبو في الحوي وداخل البيت أوديهم وياي المطبخ أسوي العشا أحوال أعلمهم أقطع الطمامم مثلا أسئلهم شو هذا شو لونة علشان يتعلم منذ البداية ويتعشوا وسبحهم وينامو الساعة 9

مشكوووووووووورة الغالية ع الإفادة……
حلو جدول عيالج ماشاء الله…….

أنا ساكنة بروحي…..
وفي شقة…
يعني مافي حد يلعبون معاه…. ولا في حوش الحمد لله…

حاليا بديت أركز على سالفة القصص والتلوين…

بس ماشاء الله عليه يومه طوييييييل لأنه ينش مبجر وااايد وينام متأخر..

عاد تعالي شوفي المناحة حزة الرقاد….